警方派出臥底滲入黑幫和勝和，潛伏一年多搜證後採取行動，拘捕多名包括坐館等黑幫高層人士，其中9名被捕男子被控聲稱是三合會幹事、以三合會成員身份行事和毆鬥等合共24項罪名，各被告均否認控罪，案件今(11日)續審，臥底鄭皓瑋今作供，指於15年12月至17年2月被指派任臥底，收集三合會和罪案的情報，並講述其中數次事件。
於16年4月9日，一名外號叫「矮仔」的三合會分子相約臥底到荃灣一間快餐店見面，外號「肥昌」的第8被告潘浚倡、一個外號「梁震英」的男子等亦有出現。「矮仔」向各人表示，早前在葵涌邨被陀地挑釁，遂打了對方。「矮仔」表示「一陣去到掃邨，見到佢哋，就打X佢哋」。
6人乘搭兩部的士到葵涌邨2期，第8被告取出一把20厘米長的軍刀稱，「用嚟一陣切班X街」。第8被告又把一支40厘米長的行山棍交予臥底，「呢把嘢好硬淨，一陣見到班X街，就打X佢哋」，惟他們未有找到要找的陀地。
臥底又講述如何追隨首被告陳家建，指於同年9月23日，在油麻地一酒吧見到陳，陳問他和另一人，「準備好利是未？同你哋搞正啲手續。」當得知兩人未準備後，陳稱，「X你老X，叫你哋下次見面要準備好利是嘛」，並吩咐第6被告張浩賢帶臥底和另一男子去準備。張遂帶兩人到便利店並說，「你買嘢暢錢，$36.6，全部要圓，唔起角」。陳收利是後說：「你哋以後響朵，響勝和，大佬我英傑，阿公大飛哥，我在勝和係426」。
臥底又指，陳和同屬勝和的「的士偉」有糾紛，曾跟陳到石硤尾一間大牌檔吃「和頭酒」。席間陳介紹第4被告陳嘉漢是「勝和元老沙灘雀，雀哥」。第4被告在席間表示，「以勝和叔父身份做見證，你哋食完餐和頭，唔可以再嘈。」
於16年10月23日，臥底和陳家建等人在旺角一間夜總會。陳向眾人表示，「呢度係14號嘅場，我勝和喺度玩，未驚過。」他之後又稱：「子騰依家被差佬拉咗，沙田Me又唔夠膽出嚟，咁勝和邊個最有勢？咪我囉」。陳透露，「英哥畀個場我做睇場，14號叫勝和睇，擺我上枱啫，大飛呢兩屆唔推我做坐館，因為我係差佬眼中釘，但係嚟緊勝和坐館，就係我啦。」
臥底續透露，於16年11月23日，在油麻地一間酒吧遇到次被告張仲榮，陳家建介紹張仲榮「寸哥」是今屆勝和「辦事人」。在次被告離開後，陳稱，「依家我哋同元朗勝和同荃灣勝和聯成一線。囝囝同上海仔都撐我做下屆坐館，遲啲就係我天下。」
|
鍾意就快D Share啦！
|
|
|
