掃呢頁CODE去手機

2018年9月11日 星期二

帶毛孩影孕照 李美慧最想女兒做人貼地 __,李美慧,

陀着囡囡的李美慧體重增加了二十磅,指生B時老公曾文豪應該會剪臍帶。
陀着囡囡的李美慧體重增加了二十磅,指生B時老公曾文豪應該會剪臍帶。前落選港姐李美慧現年31歲,今年6月跟56歲富商曾文豪奉女成婚,下月卸貨。昨日她跟老 ...


前落選港姐李美慧現年31歲,今年6月跟56歲富商曾文豪奉女成婚,下月卸貨。昨日她跟老公、母親及家中毛孩一齊影大肚寫真,傳承偉大的母愛。嫁入豪門的李美慧強調不會富養囡囡,抗拒囡囡有公主病,只希望她成為有愛心的人。

撰文:陳杰

攝影:陳俊強



幸福靚太李美慧下月為富豪老公曾文豪生女,昨日到新蒲崗影大肚寫真,懷孕後的她谷奶升cup,手腳未見水腫。李美慧精心挑選靚衫晒巨肚:「囡囡邊影邊喺肚裏邊郁緊,好雀躍,喺肚裏打boxing。」今次影相有三個構思,除了跟老公合照,她又會跟媽咪影:「係母愛嘅傳承,我要多謝父母,我哋要感恩,我都想將來囡囡懷孕同佢一齊影。」



李美慧(左)為傳承母愛,大肚寫真要跟媽咪及愛犬一齊影。 李美慧(左)為傳承母愛,大肚寫真要跟媽咪及愛犬一齊影。

繼續養寵物

李美慧帶來家中一對毛孩,十歲貓咪LV和一歲多史賓格犬Dior影全家福,「好多人喺懷孕時遺棄寵物,會覺得佢哋對胎兒有影響,其實係冇影響。我懷孕期間都親近寵物,瞓埋同一張床,啲貓狗見住我BB大,佢哋令我懷孕心情輕鬆。」

曾文豪為已故百億富豪曾紀華二房長子,問到嫁入豪門的李美慧將來會富養囡囡嗎?她坦言:「我唔會特別去富養或窮養,中等咁養,佢想要嘅嘢要自己去爭取,要付出先得。我想囡囡貼地啲,一定唔會縱容佢,我唔鍾意女仔嬌滴滴有公主病,我只想佢做一個有愛心嘅人。」想囡囡將來也嫁入豪門嗎?她說:「呢啲冇得強求,係緣份,嫁乜嘢人唔重要,最重要係嗰個人錫唔錫你,嫁一個唔錫你,幾有錢都冇用。」



畀老公99分

婚後李美慧獲老公錫到燶,變成「李四萬」,她說:「佢錫我必然,同佢相處好舒服,我哋志同道合,我哋鍾意keep fit。」她大讚老公曾文豪是住家男值99分:「扣一分,唔可縱佢,畀佢進步空間。」至於自評人妻身份有幾多分?她說:「應該都99分,我盡力去做,生埋女做媽咪可能會扣分,我唔知點去湊大一個女。」




鍾意就快D Share啦!