Kay幫Juno改名叫「幽默浚龍」！
藝人謝安琪（Kay）和麥浚龍（Juno）出席潮流品牌開幕，期間Kay讚Juno幽默，並幫他改名做「幽默浚龍」，之後自己就笑不停。受訪時她笑言：「佢好搞笑，呢個名都太搞笑，我控制唔到自己。（例如佢做過咩嚟？）佢平時唔係咁cool，佢好好笑，男人要有幽默感，佢就有。」Juno就話自己是「冷幽默感」。問到Juno還是老公張繼聰搞笑啲？Kay表示：「唔同類別，佢係冷笑話，張生就係肢體動作，演繹啲笑話。」
兩人又透露最近合作推出合輯，當中會有兩人的合唱歌，亦會有各自的歌，當中兩人各自飾演董折及蒲銘心，他們用音樂來串聯，演繹纏繞一生的愛情故事。提到兩人的《羅生門》很受歡迎，問到今次再有合唱歌可有壓力？Juno表示：「冇，今次同上次好唔同，製作模式都好唔同，係市場好少有，所以冇壓力。（會唔會有意做成音樂劇？）之前有人提議過想做電影，但用音樂、文字、映象都係去講故事，今次創作作為歌手同製作人係想行前一步去改變。」
另外，講到新一年開學，問到Kay可有湊囝囝番學？她表示囝囝已11歲，剛讀中一：「佢好大個啦，開始尊重佢成長，唔想佢因爲我嘅工作令佢受多咗眼光，成長已經好多壓力，尊重佢會講少啲佢，想佢多啲自己自己空間。（老公都係咁諗？）係呀。」
來源 source: http://hk.on.cc
|
鍾意就快D Share啦！
|
|
|
