2018年9月4日 星期二

利嘉兒:今個月做媽媽!44歲利嘉兒興奮迎囡囡 __,利嘉兒,

利嘉兒巨胸加巨肚真係好震驚呀!曾經歷兩次小產的藝人利嘉兒(Lily),與老公Bong結婚八年,以44歲奮戰成功成為高齡產婦,已經9個月身孕的她曾透露肚 ...


利嘉兒巨胸加巨肚真係好震驚呀!


曾經歷兩次小產的藝人利嘉兒(Lily),與老公Bong結婚八年,以44歲奮戰成功成為高齡產婦,已經9個月身孕的她曾透露肚裏是女嬰,最近她孖老公拍攝了一輯大肚寫真,她接受東網訪問說:「今次輯相有幾張係破天荒咁好性感。」早在兩個月她已準備影大肚相,但一直冇諗住影性感大肚相,因為她喜歡在戶外大自然拍攝,計劃穿上一條好飄逸的長裙:「因為我唔係好鍾意見到大肚,覺得肉騰騰唔靚,冇乜美感,人哋啲大肚相我都唔鍾意睇。」但早兩個月天氣太熱,攝影師擔心她影相時會不舒服,所以一路延期,怎知後來不停落雨,一直都未揀到合適時間影,於是攝影師提議在室內拍攝,時間上易控制,特別揀了個合她心意,她喜歡的復古、有古典擺設的環境:「好多人影大肚相,鍾意好白雪雪夢幻感覺比較韓式,但我反而鍾意型格、cool少少感覺,呢輯相我好鍾意。」

BB喺肚度跳來跳去

Lily透露最近BB大了很多,在肚裏面郁得好犀利,她笑說:「我坐喺度睇電視,佢自己跳來跳去,睇到凹凹凸凸,我叫老公一齊摸住個肚,大家個感覺好奇妙、好珍貴,因為一生人未必個個有呢個經驗,係好難得,自己身體原來個肚可以變到咁大,仲有個小生命喺入面,所以影大肚相時就試幾張見到個肚,作為一個留念,紀念自己身體變化咁得意,係好寶貴嘅一刻。」

她坦言老公平時不鍾意她性感,她笑說:「唔使諗,今次係好破天荒一次,佢都覺得好難得機會,一世人只有呢十個月嘅經驗,咪影幾張睇吓效果係點,我特別將呢輯露肚相整咗黑白效果,冇咁太多肉感覺,比較滿意。」拍攝當日她還帶埋家中兩隻愛犬同行,她說:「好多人覺得我同兩隻狗影嘅時候最嘥時間,其實唔係,我兩隻狗幾乖,可能平時同佢哋影得多,佢哋都慣咗面對鏡頭,好乖好定,而且佢哋年紀比較大,唔會周圍紮紮跳,唯一係打燈耐啲,因為佢哋一隻黑一隻白,好難打燈,打得太光見到黑色嗰隻,但白色嗰隻又太爆,唔夠光黑色嗰隻又睇唔到。」

佗B升兩級

反而她與老公影的時候最長時間,老公雖然參與拍攝不多,但攝影師叫他們擺一些溫馨對望甫士,因為老公不是做幕前,不慣面對鏡頭,她笑說:「尤其影性感嗰幾張,佢唔慣對住個老婆着咁少衫,佢有啲尷尬,唔知眼神擺邊度,而且佗B以嚟我升咗兩cup,個效果好似震撼咗少少,有幾張角度眼神,明明攝影師叫佢望住個肚,但出嚟效果好似望住個胸,我哋睇番時都爆笑,最後佢要慢慢warm up,就變得自然、輕鬆。」

養寵物畀小朋友培養責任心

Lily又強調特別帶埋愛犬影大肚相,她解釋由佗B開始,所有過程她都會跟愛犬分享,她說:「佢哋係我屋企一份子,我當佢哋係仔,養咗佢哋十幾年,唔想佢哋覺得我有咗BB就忽略佢哋,希望所有嘢佢哋都有份,一齊迎接BB,我成日同佢哋傾偈,照顧仲多咗,唔好畀佢哋有被冷落感覺。」她好想帶個訊息畀大家,即使有了BB都不應該遺棄家中的寵物,她說:「無論貓、狗或其他寵物,我好慶幸我屋企有養寵物,我好想我小朋友一出世就有寵物同佢成長,培養到佢多啲愛心同責任感,畀佢知道寵物係佢哥哥姐姐,你要照顧佢,佢做唔到嘅嘢,你都要幫佢做到,從小就訓練到佢有呢份愛心。」

開刀生天秤座變成處女座

她坦言B女在中秋節左右就出世:「成個過程好得意,我好好彩咁多個月身體上冇乜唔舒服,生活習慣上同以前差唔多,對我影響唔係太大,成個過程好舒服,BB好乖,七個月之前冇乜點肥,喺個肚大咗好多,只係肥咗十幾廿磅,但到呢個月BB明顯大好多,無端端重咗好多,依家重咗廿幾磅,希望到BB出世時唔好重多過30磅,唔係我驚好難減,又開始水腫腳腫,手指關節會痛,我知係正常,因為循環差咗,上星期瞓醒,左手啲手指突然屈住唔郁得,我好驚即去睇醫生,醫生話喺懷孕尾期,呢啲情況係正常,BB出世就應該冇事係一個過渡期。」雖然她是第一胎,但她盡量保持輕鬆,不想太緊張畀自己太大壓力:「反而身邊朋友見到我hea太輕鬆,幫我準備好多BB嘢,好似日用品之類,我到依家都未執好走佬袋,畀啲朋友鬧我太輕鬆太慢。」朋友又趁她臨盆前約食飯,所以最近好忙,加上體重突然上升得好快,她要節制住。」本來B女是十月天秤座出世,但她選擇開刀,日子在中秋節前後,由天秤座變成處女座,她笑說:「我老公都係處女座,佢好想同個女同一星座,我冇所謂,雖然啲人話處女座好麻煩好奄尖,但我習慣咗同老公又夾到,我哋係教徒,唔係搵師傅擇日子、時辰,只係揀咗一個我哋鍾意嘅日子迎接BB出世。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...