呢啲就係爸爸湊女法喇！
歌手黃貫中（Paul）與老婆朱茵早前帶埋囡囡黃鶯參加內地真人騷《想想辦法吧爸爸》，據知一家三口演出酬金高達過千萬人民幣，酬金咁強勁，點都要交足戲
預告片尋日終於有得睇喇，Paul仲上載到微博，係片中朱茵大爆平時Paul點樣同囡囡相處，朱茵話Paul完全唔識教女，對個女冇晒辦法，朱茵仲分享Paul係點樣氹囡囡瞓覺：「跟她講故事的時候，講到興奮的時候，讓她運動多一點，午睡不要睡太久，給她一個電話打遊戲，打到她眼睛累。」雖知道小朋友玩電話係對雙眼有影響，仲要打到眼睛累，睇嚟Paul對囡囡真係冇晒辦法，惟有出動「電子奶嘴」。
不過除咗玩踢爆外，片中都有溫情的一面，就係黃貫中向囡囡唱《喜歡你》。朱茵在片中問囡囡菠蘿係咩色時，黃鶯就話係黃色，但黃貫中就喺側邊搞爛gag話係黑色，因為用普通話講黑鳯梨的話，個音係似「喜歡你」，然後拎住結他嘅Paul就唱出「喜歡你 那雙眼動人 笑聲更迷人願再可 輕撫你～」呢啲幽默就真係得爸爸先有喇！
來源 source: http://hk.on.cc
|
鍾意就快D Share啦！
|
|
|