【林峯操刀？】相約林夏薇high tea 張馨月：突然變得好少女！ __,張馨月,林峯,林夏薇,

林峯自從同吳千語分手後，就爆出佢同大陸模特兒張馨月相戀，更有讀者曾向《蘋果》爆料，見到佢哋蜜遊海洋公園，雖然有相有證據，但係兩位當事人都冇正式認拍拖。 ...

林峯自從同吳千語分手後，就爆出佢同大陸模特兒張馨月相戀，更有讀者曾向《蘋果》爆料，見到佢哋蜜遊海洋公園，雖然有相有證據，但係兩位當事人都冇正式認拍拖。

近日張馨月又嚟咗香港喇，見到佢喺ig度貼咗夜遊香港嘅相，仲貼咗去high tea嘅相，並留言：「手機相冊突然變得好少女！」睇下有幾少女先，見張馨月喺草牆前擺晒post，又拎住檸檬遮眼影相，少女味勁濃。除咗佢個人獨照，仲有張併圖相，併圖入面除咗有食物相，仲有林峯嘅堂妹林夏薇，雖然佢哋未正式公佈戀情，但見到佢相約林夏薇食tea，相信張馨月已經真正咁溶入咗林家。而睇番林夏薇嘅ig，都貼咗少女風嘅相，但就只有佢自己一個嘅獨照，並冇貼出同張馨月嘅合照！

咦！啲相就唔見林峯，唔知咁少女味嘅相，係咪林峯幫女友操刀影嘅呢！？

精選娛聞，喺晒《娛果》

http://fb.com/appledailyent

(ig圖片/資料圖片)	張馨月喺ig貼咗好多少女風嘅相。(ig圖片)	 唔知係咪林峯幫佢影嘅呢？(ig圖片)
 仲有香港夜景。(ig圖片)	 併圖入面見到佢同林夏薇嘅合照，相信張馨月已經容入林家。(ig圖片)	 之前林峯被讀者爆料，見到佢同張馨月去海洋公園玩。(資料圖片)
 林峯(資料圖片)

來源 source: http://hk.entertainment.appledaily.com

鍾意就快D Share啦！

下一篇 》