熱爆娛樂: 【狗仔出更】李嘉欣騷腿孖老公福臨門做節 Jayden禮貌回應記者祝福 _

2018年9月24日星期一

今晚係農曆八月十五中秋節，好多人都會約埋屋企人食飯慶祝，好似許晉亨同李嘉欣夫婦咁，今年都唔例外，喺今晚6點40分左右，佢哋一家三口坐七人車到達灣仔福臨門食飯做節。

坐喺車頭嘅許晉亨率先落車，之後去後座扶妻兒落車，李嘉欣今年着連身裙現身，騷腿好搶眼吓，之後到佢哋個仔許建彤（Jayden）到車，已經7歲大嘅Jayden今日着住西裝，戴住副眼鏡現身。當記者上身向許氏一家三口送上祝福時，Jayden好有禮貌同家教，回番記者：「中秋節快樂！」

到李嘉欣行入酒樓等電梯時，佢似乎刻意俾囝囝企喺佢哋兩公婆前面，入電梯後又俾個仔企入邊，似乎想減低囝囝嘅曝光機會。

而許晉亨嘅堂兄許晉奎就喺接近晚上7點到達福臨門。

精選娛聞，喺晒《娛果》

http://fb.com/appledailyent

（攝影：黃曉妍）	許晉亨李嘉欣一家三口今晚到福臨門食飯	 等電梯期間，李嘉欣刻意俾囝囝俾喺自己前面，企圖用自己個身去擋鏡頭。
 不過佢哋一直都好好笑容，態度友善。	 許晉奎近7點到福臨門

鍾意就快D Share啦！