毛記主播出身嘅龍志權參加ViuTV《Good Night Show全民造星》，因早被網友熟識同已有一班追隨粉絲優勢，喺比賽中以一人扮晒男女聲對唱《會過去的》，刻意走音獲評判同網民激讚，佢日前喺觀塘接受專訪時，話估自己四十強就會出局，所以入到十強都覺得好意外。
藝名源自GD
原名王雍泰嘅龍志權因加入《100毛》，將韓國天團BIGBANG成員權志龍（G-Dragon）調轉成「龍志權」做藝名：「志權係一個好港式名字，我本身好少睇韓風，我做港仔嘢，咪用個港仔名。」問到覺得名字有助帶動入圍，佢坦言：「由99去50強時，某程度啲人覺得咁沙泡投吓我睇我乜料，有人會記得我名先，我真名叫王雍泰，完全同龍志權無關。」
 龍志權喺《全民造星》比賽，以一人分飾男女唱合唱歌獲評判及網民激讚。互聯網圖片 | 
| 
|
自覺係型男
外表唔算出眾，但充滿表演慾同自信，問佢走乜路線，龍志權話：「細個覺得自己係型男，𠵱家人哋覺得我係搞笑，意見太多，我唔係全部睇晒，最記得其中一個話我唔樣衰，但有陣X味，話我唔樣衰我慶幸 咗，已經係一種讚美，有陣seven味有時可能自己散發出嚟都感覺唔到。」
提到龍志權喺《造星》入面，自己一個人扮晒男女聲突圍，佢話：「未必唱功好同勁啲人就鍾意，99位參賽者中都有好多人唱得好，我覺得係咪要做一樣大家有共鳴、易入口嘅嘢，我以前讀男校，唱K冇女仔唱，我哋會自己對唱番，只係將呢個形式搬去比賽。」
撰文：卓寶花
攝影：沈健程
|
鍾意就快D Share啦！
|
|
|
