鍾楚紅前日於灣仔開攝影展，兩位好姊妹鄭秀文（Sammi）與陳凱韻（甘比）齊齊出席撐場。其實紅姑並非第一次開攝影展，四年前她先後於香港及台灣開過「To Hong Kong With Love」將香港風土人情藉相片表達，而今次攝影展則以「Cherie Chung Pour Studio 22」命名，九張相片是她旅行的風景相。
拍兩短片推介
紅姑開攝影展，甘比於Ig貼了三人合照留言︰「撐紅姑，又有攝影展」而Sammi就更鬼馬，於Ig貼相之餘更搞笑謂︰「哈哈！紅姑九幅作品，三條女士好快睇完。好省時！」之後貼了一條片，片中紅姑先說︰「MAISON 22」之後Sammi搞笑說︰「咁就可以睇到呢九張佳作，其實一分鐘睇完，好值得嚟睇，一啲都唔嘥時間，仲有好多嘢買呢度，有日用品、食物、文具，暫時冇我張唱片買，哈哈哈，拜拜！」
之後Sammi再拍一條片繞場一周，落力展示紅姑靚相兼大力推介︰「我哋嚟撐紅姑，一個小小嘅真係好小，得九張作品嘅作品展，雖然好少得九張，大家睇吓，一眼睇晒，其實都唔使嚟，哈哈哈，睇完，三秒就睇完，紅姑好鍾意影相，成日去旅行。」紅姑說︰「𠵱度係影番嚟嘅法國南。」
笑甘比係助手
接着，Sammi繼續講笑說紅姑是攝影師，甘比是攝影師助手，而自己則是攝影師助手阿媽，並呼籲大家有興趣就到灣仔聖佛蘭士街的展館逛逛。
撰文︰祖李
|
鍾意就快D Share啦！
|
|
|
