現年47歲的江美儀日前自爆與拍拖11年的男友吳君祥已分手兩年，事後，吳君祥父親「冬叔」夏春秋驚爆二人06年已在西雅圖註冊，惟事後江美儀否認已婚，又表示冬叔記錯，冬叔亦連忙改口說自己誤會了，不過，昨日江美儀與吳君祥的結婚證明書曝光，力證冬叔被屈搞錯。
醉酒做錯事
《蘋果》於美國Kings County一個公眾搜尋網，找到江美儀與吳君祥的結婚證明書，資料詳細列明吳君祥和江美儀的英文拼音名字，並顯示他們註冊日期為2006年3月23日。對於婚書曝光，江美儀以短訊回覆時就繼續扮失憶，她表示：「真係唔記得咗呀！十幾年前，可能飲醉酒做錯事。」記者叫她下次要小心時，她搞笑回應︰「仲有下次？都想有新戀情，隨緣啦。」
改口話記錯
其實，江美儀對這宗「婚事」不斷左瞞右瞞，早前她自爆與吳君祥分手後，冬叔無心爆料。昨日江美儀接受傳媒訪問起初都說︰「冇呀，冬叔搞錯咗啦。」當記者質疑有埋時間、地點時，她再解釋︰「我哋當年一齊去探我屋企人。」而身在內地的吳君祥亦夾定口供：「爸爸搞錯咗，冇呢件事。」《蘋果》問冬叔時，他也急急改口指自己搞錯︰「嗰陣我喺多倫多住，唔係同個仔一齊住，佢嗰時識咗美儀，我就叫佢快啲結婚！佢話好呀：『我𠵱家就去西雅圖結。』我咪一直以為佢哋結咗囉！嗰陣佢哋又冇儀式又冇擺酒！我以為佢哋就咁喺當地註冊！」
雖然二人的「婚姻」告終，但江美儀昨日於Ig留言祝福舊愛：「未來的日子，抱歉，不能繼續和你手牽手一起走下去了……謝謝也祝福你，Vincent！」而在冬叔眼中江美儀仍是好新抱︰「我哋一家人咁，幾好㗎！之前我生日，都有叫美儀嚟，佢同我另一個新抱都生日，三個人一齊做生日，個仔都冇同我講佢哋分手。」
採訪︰魯吉、嵐山
|
鍾意就快D Share啦！
|
|
|