網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年10月7日 星期日

薛家燕:【童星變韓團】薛家燕力撐莊錠欣闖韓 __,家燕,薛家燕,

薛家燕撐莊錠欣去韓國發展。《六福珠寶呈獻:薛家燕愛你無限60年演唱會》將於12月4至5日假紅館舉行,藝人薛家燕近日化身網絡紅人宣傳,她一時唱惡搞歌,一 ...


薛家燕撐莊錠欣去韓國發展。


《六福珠寶呈獻:薛家燕愛你無限60年演唱會》將於12月4至5日假紅館舉行,藝人薛家燕近日化身網絡紅人宣傳,她一時唱惡搞歌,一時又請網民為Captain Nancy的盔甲命名,她坦言既興奮又大壓力:「紅館係第一次,務求要做到最好。好多觀眾同我一齊成長,又有新一輩年輕人認識我,呢個騷唔係一般跳舞唱歌,而係一家大細都可以嚟睇嘅騷。」說到曾經幫助過不少後輩,她大讚已成為韓國女團CLC成員的莊錠欣(Elkie),在童星時期已演技出眾:「拍喊戲佢可以即時流出眼淚,我問佢鍾唔鍾意唱歌跳舞,佢話鍾意,我話不如去我間藝術中心上堂。佢諗咗好耐,我話如果係學費問題,我會特別安排,有天分就唔好埋沒。」

叫莊錠欣唔好放棄

薛家燕一直用心栽培Elkie,帶她到新加坡及馬來西亞演出,又組成少女組合Honey Bees:「後來有間韓國公司睇中佢,佢有啲擔心我會阻攔,因為我擺咗好多心血喺Honey Bees,但呢個係佢嘅機會,我叫佢唔好放棄,同埋要繼續讀書,如果需要咩幫手就隨時聯絡我哋,我哋喺韓國都識好多朋友。」7月時,Elkie到旺角開騷,到場欣賞的薛家燕驚嘆Elkie大有進步:「我哋喺後台擁抱,見到佢依家咁叻女我都好開心。」

與張國榮成登台拍檔

而另一位遇上薛家燕的就是已故歌手張國榮(Leslie),初出道的他主動參與節目《家燕與小田》,薛家燕憶述他當時只得千幾元人工,其中500元要用作交租:「佢好勤力,問我加埋佢跳舞好唔好,原來佢成日坐喺度就係睇我哋點跳,到佢一加入又真係跳到!」之後Leslie成為薛家燕登台的好拍檔之一,二人更試過一起出席台灣金鐘獎頒獎典禮:「佢第一次做頒獎嘉賓,好開心,就去韓國買咗個有雕刻嘅花樽畀我,我依家仲擺喺屋企。當然後期就靠佢自己努力,慢慢將佢嘅才華同天分發揮出嚟。」

場地:六公館

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!