嘩嘩嘩，呢件小背心加埋咁嘅身材，真係幾誘人嘅，唔睇落去真係有啲對唔住自己！
著住小背心自彈自唱呢個玩法，係出自許靖韻Angela，究竟佢點解會有咁嘅諗法先？
只係咁啱，因為嗰時開小背心呢個頻道嘅時候，其實之前有個許靖韻頻道，自己都有一直擺歌上去，但好似無乜人睇，有諗過究竟係自己問題，定係公司問題，定係我個樣嘅問題，當時開小背心頻道，係想測試吓大家
結果，小背心大hit，不過，原來Angela好後悔改咗小背心呢個稱號！
其實小背心呢個名我只係求其改，因為當時啱啱係夏天，因為我本身有好多背心，嗰時我著住件高領背心，最初諗唔到頻道叫咩名好，我個朋友話啲網紅多數都係叫小乜乜、小乜乜，你都改番個小乜乜啦，咁啱我著住小背心，所以就隨意改咗叫小背心，個名我只係求其改，改完之後嗰一刻其實都好後悔，因為之後要keep住著小背心，又要keep住買小背心，當時有後悔過點解要改呢個名。
小背心唔只令Angela成為網紅，仲令佢有更多嘅機會，其中一個，就係去內地參加女團真人騷《創造101》。
實參加《101》都係一個無心插柳嘅驚喜，好記得喺小背心音樂會完咗之後一個月，然後有一次內地經理人打俾我，話有個內地版《創造101》，即係等於韓國《Produce 101》嘅中國版，然後問我有冇興趣試吓，因為本身有睇過韓國版本，覺得好好玩，同埋覺得自己應該入唔到圍，就應承去試吓，因為我唔識跳舞，面試又要跳舞，我一定被淘汰，之後就去試吓，但係竟然入咗圍。
節目完咗，雖然Angela去到19位被淘汰，但係已經令佢獲益良多，仲記得未玩前，佢曾經諗過退出唔玩。
喺我入營前一個星期，好驚咁打俾經理人，同佢講話自己想退出，佢好震驚咁問我點解？我話因為要俾人沒收手機、電腦，因為佢哋同我講當係一個跳舞軍訓學校，我就好驚，因為本身對跳舞已經無信心，同埋我知道其他人跳舞一定好勁，所以已經好驚，仲要三個月無得用電話，可能一個星期已經會崩潰，平時三日無得用電話已經唔得，佢哋同我講要沒收三個月，直至我哋出營就會俾番電話我哋，我嗰一刻好驚。
嚟緊一年，唔知Angela會有乜嘢新動向呢？
其實好多嘢都好想做，2019年好想有自己嘅音樂會，因為以香港計，對上一次小背心音樂會係翻唱其
他人嘅歌為主，想有一個唱自己歌嘅音樂會，然後希望可以去多啲唔同地方，有自己嘅見面會，同埋未上過綜藝，希望可以多啲上綜藝節目。因為做完《101》之後覺得原來好好玩，所以希望快啲再有機會參加綜藝節目。
攝錄：吳斯金
採訪：肥A
化妝：Khaki
髮型：Veron@Hair Corner
服裝提供：Avenue 1218
場地提供：私鬥King's Club（聯絡電話：51361218）
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
