黎姿（GiGi）細佬黎嬰於07年發生車禍，之後生活要與輪椅為伴，當年仍係TVB當家花旦嘅黎姿，放棄演藝生涯改而接管細佬醫學美容公司生意。
黎姿同老公馬廷強花咗好多心力照顧細佬黎嬰同打理公司，佢哋嘅醫學美容公司上年上市，今日仲有好消息！黎嬰已經唔使輪椅又冇用到柺杖都企到起身！黎姿喺ig post咗幾張相，佢蹺住細佬黎嬰，笑露開朗笑容，而黎嬰就輕倚公司嘅接待處。
黎姿喺ig留言：「一路走來不算容易：從第一間店開始，得以增建了中環、尖沙嘴店，加上擴充銅鑼灣店的空間，今年公司總共裝修了18,000平方呎，踏上新的里程。
每次我感到疲憊的時候，都會感到有一股強大的力量在背後支持我、鼓勵我。我弟弟十多年來為生命而奮鬥，雖然他失去了自由行動的能力，但他依然擁有堅定的意志，積極的觀念，以及對生活的無限熱愛。每一次我在工作上遇到難關，他不屈不撓的精神總會重新燃點起我對工作、對醫學美容行業、對生命的熱誠。
今天，弟弟可以站起來與大家見面，我真的非常非常感動。他的堅毅精神是令我不斷進步的動力，我會繼續奮鬥下去。」
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
