掃呢頁CODE去手機

2018年10月23日 星期二

【下年抱孫】6月結婚10月生B 李美慧為富商老公曾文豪誕B女 __,曾文豪,李美慧,

李美慧為老公曾文豪順產誕B女。(ig圖片)
生咗喇!生咗喇!31歲嘅前港姐李美慧(ViVi),佢今年6月奉子成婚、嫁大佢25年嘅富商曾文豪,佢哋嘅愛情結晶品終於出世喇!懷孕後,ViVi不時都會喺 ...


生咗喇!生咗喇!31歲嘅前港姐李美慧(ViVi),佢今年6月奉子成婚、嫁大佢25年嘅富商曾文豪,佢哋嘅愛情結晶品終於出世喇!



懷孕後,ViVi不時都會喺社交網更新近況,四日前仲喺Ig貼相及留言︰「今天是預產期,但係BB似乎太舒服了,不肯出世,唯有靜靜咁等待」想不到事隔幾日就有喜訊,ViVi順產誕下B女,目前母女已回家休息。



今日凌晨,ViVi喺Ig上戴一張佢同老公頭貼頭,甜蜜抱囡囡嘅相,以及一張佢抱住囡囡冧爆嘅相,然後寫道︰「我們的小糖心」,朋友、fans都為佢送上祝福,ViVi今日接受《蘋果》訪問表示:「BB似爸爸多啲,出世時6磅幾。」佢又話:「現在餵人奶,唔太辛苦,因為都有請陪月幫忙,但BB個名就未改。」



講到生B過程,ViVi今次是順產,佢話作動唔係好耐就生到,所以都唔係好辛苦,又話老公一直喺身邊安慰佢,而佢兩公婆都好堅強,無喊到,但係見到B囡真係好開心,又話希望囡囡將來做獸醫。



呢次其實係曾家雙喜臨門嘅首次報喜,因為曾文豪大女、大李美慧1歲嘅繼女曾昭怡早前同樣宣佈有喜,下年再做媽咪,李美慧休息完,好快可以幫手湊孫喇!(新聞連結: http://bit.ly/2yVGjAR )



精選娛聞,喺晒《娛果》

http://fb.com/appledailyent



李美慧為老公曾文豪順產誕B女。(ig圖片) 婚前飛到外地影婚紗相。(資料圖片) 婚前飛到外地影婚紗相。(資料圖片)
四日前原來係預產期,但B女未出世。(ig圖片)

四日前原來係預產期,但B女未出世。(ig圖片)
除了養狗,李美慧亦是貓奴,經常呼籲懷孕也不要棄養。(ig圖片)

除了養狗,李美慧亦是貓奴,經常呼籲懷孕也不要棄養。(ig圖片)
李美慧誕女前影咗一輯美孕照。

李美慧誕女前影咗一輯美孕照。
佢話唔知老公有冇剪臍帶。

佢話唔知老公有冇剪臍帶。

鍾意就快D Share啦!