網上情緣騙子多不勝數，繼《蘋果》昨日報道有2名女受害人受騙後，再有港女遇上騙子，但發現騙徒手法不斷變種。騙子的角色設定，由老外變成外國回流返港的肌男，另外借錢藉口亦由漏報關被扣押，改為到外國傾生意唔夠錢交稅。不過，千變萬化的橋段，其實只是換湯不換藥。
剛失戀的35歲June，早前加入號稱最「體貼女性」的美國交友軟件Coffee Meets Bagel，希望找到心儀的對象，沒想到反而招來網上情緣騙子。對方自稱是一名工程師叫Nelson，由於他大晒不少靚仔肌男相，故June也跟他交朋友。他聲稱在港出生，曾就讀美國哈佛大學，近月才由英國回流，並已在港開設公司自己接生意。認識不久，對方已透露自己喪偶，有個8歲兒子，目前兒子在英國跟隨嫲嫲生活。
二人其後改用WhatsApp溝通，「佢每日都打一大段說話關心我，傾咗一星期後，還說鍾意我，我此時已覺得唔對路，而且佢已經回流返港，點解佢嘅電話係+44，即係英國電話呢？」June很快已發現他大話連篇，破綻多多。
再過一個星期，他說要到土耳其競投當地一個基建項目，更傳來準備上機的相片，「但打開一睇，已經覺得好假，因為佢在機場一時穿長袖衫，一時就短袖。」其後，他又傳來開會的相片，「我睇真啲，裏面無一個係佢。」兩天後，他說成功投標，又傳來一份基建合約，但要先向當地政府支付3萬英磅(約30萬港元)作為稅務，「佢話身上只得1.5萬元，問我借餘下的1.5萬英磅(約15萬港元)，佢見我無理佢，佢就不斷降低金額，最終減至8,000英磅(即8萬元)，又不斷叫我入落一個土耳其戶口。」
June未有上當，更不斷試探他，「我問佢攞銀行戶口，但佢只係傳來一個聲稱係表弟的恆生銀行戶口，仲話自己戶口喺土耳其無法提款，更傳來護照證明，但出生日期和相片很明顯是加工上去。」June懷疑他傳來的照片全是盜用他人，故為免有其他女性受害，於是藉着傳媒的力量警惕港女勿中招，「網上情緣騙案，新聞都報過，但估唔到自己都會遇上，可見呢啲騙徒幾多，但其實只要我哋理智少少，就好容易看出破綻。」
《蘋果》根據June提供騙子傳給她的相進行大起底，發現相中人真身其實是一名姓金的韓國人，相片都是從對方的facebook等社交平台盜取的，惟記者透過facebook聯絡對方，告知他可能被騙徒盜取相片，可是他一直未有回覆。
你敢爆，我敢獎！ 立即WhatsApp《蘋果》24小時爆相爆片熱線或致電：63836568
|
鍾意就快D Share啦！
|
|
|
