掃呢頁CODE去手機

2018年10月11日 星期四

趣聞:【丁蟹2.0】阿達杜倫瘋狂鬧事嚇死人 __,秋官,鄭少秋,丁蟹,

(互聯網/GettyImages)曾經效力馬體會及巴塞隆拿嘅阿達杜倫自從返回祖家土耳其踢波之後,愈來愈癲,繼上季推撞旁證,被重罰停賽16場之後,日前又 ...


(互聯網/Getty Images)


曾經效力馬體會及巴塞隆拿嘅阿達杜倫自從返回祖家土耳其踢波之後,愈來愈癲,繼上季推撞旁證,被重罰停賽16場之後,日前又有「壯舉」。

呢位31歲中場腳涉嫌喺夜店調戲土耳其歌手Berkay嘅老婆,仲出手打傷Berkay,事後更加持槍入醫院,要求Berkay嘅老婆開槍殺死佢,為自己「贖罪」。

阿達杜倫懶理身懷8個月身孕嘅老婆Aslihan Dogan,仲去夜蒲,期間不忘溝女,但呢位目標人物已經係人妻,老公仲係土耳其歌手Berkay。

Berkay見到老婆被調戲,於是衝前同阿達杜倫爭執,阿達杜倫隨即出拳打爆Berkay個鼻,後者需要立即入院做手術。

據悉,阿達杜倫隨後持槍入醫院,但唔係尋仇,而係將手槍交畀Berkay嘅老婆,仲話:「我真係唔知你係佢老婆,殺咗我,請你殺咗我。」嚇到Berkay嫂面都青。

阿達杜倫現時被巴塞外借去土超球會巴沙克舒希,佢之後喺社交網承認曾經同Berkay發生爭執,但就冇持槍入醫院。阿達杜倫個底咁花,睇怕冇乜人會信佢冇做過。

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!