【又變咗樣】半工讀心理學碩士 39歲徐子珊：即使到現在拍拖，我都好小朋友（足本版）： http://bit.ly/2QowbaT
呢個人好面善，好似徐子珊喎！再睇清楚啲，原來真係佢，無見一排，後生咗，但連樣都變埋。唔睇清楚啲，以為係個「疑似」徐子珊嘅人。
話晒都39歲，睇身形徐子珊真係keep得好好，比起之前仲要瘦咗啲添！梗係啦，睇佢呢日喺supermarket，主攻蔬菜生果，買果汁會睇晒個營養標籤，好注意健康，唔會亂食嘢。揀咗一輪，買晒要買嘅嘢，好環保咁自備埋購物袋，叻女。再急步行返上車，呢段路程上，徐子珊一樣好alert，左望右望。
16年徐子珊離開無綫簽王祖藍，主攻內地市場，舊年接咗邵氏套《守護神》，另外有部內地劇集《京港愛情故事》，以及啱啱玩過但輸咗嘅《新舞林大會》。除咗幕前工作，徐子珊仲有自家設計嘅珠寶系列放喺網上賣，又喺港大度半工讀心理學碩士，好積極好進取。
好知道自己想要咩嘅徐子珊，入行咁多年，感情生活一直好神秘，緋聞男友一大堆，有黎明、馬德鐘、吳卓羲、黃子華等等，不過，佢從來都冇承認過。徐子珊接受訪問時講過，自己係個好依賴嘅人，「即使到現在拍拖，我都好小朋友，藝人的形象和真人差很大，因為我是家中孻女，要人愛錫和保護，今時今日我仍然打電話給爸爸，家人要買甚麼電器或者日用品，我完全不曉，要叫阿爸幫手，是一個很依賴的人。」
仲話拍拖唔可以扮另一個人，要真我表現，「刻意去為對方改變？是假象來的，我身邊好多離婚個案也是這樣，那一刻為討好對方，給人一個假象。不需等10年，現在的人無耐性，10個月已打回原形啦。」
仲有一年就40歲，唔知徐子珊個Mr.Right出現咗未呢？
立即下載Apps，隨時隨地睇盡時政專題、深度偵查、娛樂熱話！按此連結： http://bit.ly/next28app
|
鍾意就快D Share啦！
|
|
|