【巴黎直擊】巴黎時裝周去到尾聲階段， 人氣劇 《延禧攻略》的「嫻妃」佘詩曼與「魏瓔珞」吳謹言昨日再一起出巡，同場還有林心如和衛詩雅。
阿佘連日跑了五場騷，昨表示一點也不累：「唔攰呀！好開心、好興奮，因為場場騷都有唔同風格，所以好充實。」問她和吳謹言有否相約吃飯，她說：「噚日見到佢，佢話去食中菜，問我要唔要一齊食，我話唔要喇，嚟到法國仲食中菜，所以我話食飯就留番喺北京見再食啦。」
林心如透露今次到巴黎其實是私人行程，她說：「正好趕到這場騷，所以多留一天。」衛詩雅首次到巴黎及參與時裝周：「好好玩，對我嚟講係旅行兼半工作，又可以睇到好靚嘅時裝。我由米蘭睇騷之後再過嚟，對我嚟講今次算係歐遊。」雖然寓工作於旅遊，但未有機會遊巴黎鐵塔，她說：「嚟到巴黎我都有跑步，有經過凱旋門、羅浮宮，個鐵塔太遠一來一回要跑二十公里，我未挑戰到。」
張鈞甯踩沙
此外，有時裝騷將巴黎大皇宮變成沙灘，更有海浪不斷衝上灘，吸引張鈞甯、陳柏霖、桂綸鎂和何超蓮等睇騷。張鈞甯開騷前架上黑超在沙灘影相，完騷後更直接脫下鞋子踩沙踩浪，她謂像參加沙灘派對：「模特兒不穿鞋走秀對我來說是不一樣的經驗，很多沙灘元素，草帽、沙灘球包包。」陳柏霖則表示之後到波爾多拍戲。
採訪：陳蔚渝
攝影：周樂恒
|
鍾意就快D Share啦！
|
|
|