吳君祥話就算分手，同江美儀嘅關係都冇變！
江美儀與吳君祥11年情玩完！身在內地的吳君祥接受東網訪問，大方承認此事。談到分手原因？他謂：「我同美儀相處一直都非常之好，完全冇問題，但緣分嘅嘢真係好奇妙，突然間緣分完咗就完咗，冇乜特別原因。」
「一張婚書不代表甚麼」
吳君祥多年前到內地發展，分隔兩地，會否出現了第三者？他謂：「絕對冇，就算我喺香港，都有機會有㗎啦，但我哋都冇（指第三者），依家分咗手兩年，我都仲係單身。（會唔會覺得一直冇結婚是致命傷？）唔會，一張婚書唔代表啲乜嘢，亦唔會用小朋友縛住對方，我哋都鍾意自由。（會否覺得好可惜？）一定有，始終11年感情。」
彼此關係冇變
吳君祥直言現在跟美儀的關係依然是家人，屋企有聚會都會叫對方參與，雙方仍保持密切聯絡，他謂：「我哋都Keep住有聯絡，我哋依然共同擁有一間公司，同埋佢都係我旗下嘅藝人，大家關係除了情侶之外，根本全部冇變！」既然關係仍然如此密切，將來有沒有機會復合？他笑言：「世事無絕對，只有真情趣，哈哈！將來嘅嘢講唔埋，復合都唔出奇，但呢一刻唔會。」
吳君祥一家一向很疼錫江美儀，對於兩人分手，屋企人有何反應？吳君祥表示：「爸爸冬叔（夏春秋）好豁達，佢唔會理太多，同我媽咪、家姐一樣，只要我開心就得，會任何決定佢哋都會支持，佢哋都同我一樣，當美儀係屋企人嚟。」
來源 source: http://hk.on.cc
|
鍾意就快D Share啦！
|
|
|