佢話自己仲係做戲嘅新人。
藝人朱智賢（Ashley）最近踩入戲劇組接拍多套電視劇，演戲經驗不多的她自稱是「BB班」，並請教緋聞男友謝東閔如何拍攝掌摑戲份，不過，「事業心」強的她講明現階段工作行先，兒女私情暫放一邊！
Ashley自從主持《東張西望》後，多了很多媽咪Fans，她說：「食飯時間成日見到我，對我印象深刻咗。」她又爆拍檔區永權直播時經常爆肚，害她忍不住笑， 但承認是個很好的訓練。入行四年多，一直以主持工作為主，想試其他範疇工作的她，最近終於正式拍劇：「同好多前輩一齊合作，塞咗好多錢落我袋，我喺劇裏面演個強勢女強人，年紀唔係好大，但做到電視台高層， 每次行出嚟都好有自信，呢樣嘢幾困難， 因為我未去到自信爆棚，好彩我本身外形比較高大，嚇到人嘅。」
自認新人似BB
問到可有向緋聞男友謝東閔請教演戲心得？她直認曾向他請教：「我客串一套劇，場戲我要摑李佳芯， 我唔識摑人，佢就教我點樣可以摑得好響，但又唔會真正打到人。拍劇方面我真係超級新人，係BB班開始。」問到兩人的感情狀況？她笑說：「都係好好、好好朋友，多謝大家關心。依家都係主力事業，多咗好多拍劇嘅機會，嚟緊又會拍一套青春劇，啲人聽到之後就問我係咪做人阿媽？有冇搞錯？」
做直播驚到手震
她曾試過質疑自己是否適合做娛樂圈：「我以前係嗰啲見到鏡頭會震嘅人， 做Live時會手震，現場倒數我就會唔記得對白，即係所謂『發台瘟 』！係娛樂台鍛煉我，令我今時今日可以做到主持人。」工作量大增，但Ashley指未算很穩定，不過收入令她滿意。
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|