快啲結婚
《東張》咪神李旻芳（Lucy）及黃耀英（Darren）拍拖4年，感情穩定，早前還直言有結婚計劃，但希望先上車後結婚，但原來兩人已經開始咗同居生活！Lucy今日喺社交網大放閃光彈，原來佢病咗呀！佢將Darren照顧佢嘅點點滴滴紀錄低，公開點讚男友：「依個男人，對我好好。真係忍唔住要出post公開讚吓佢。話說我琴（尋）晚唔舒服，佢怕我訓（瞓）訓（瞓）下（吓）覺會嘔，所以佢唔訓（瞓）覺都照顧住我，坐喺床邊睇住我訓（瞓）覺，又準備定晒水同藥喺側邊，定時餵我飲暖水，起身見我好返（番）d（啲）有返（番）少少胃口就切好晒水果比（畀）我食，又幫我洗晒廚房嘅碗碟，頭先望住佢喺廚房洗碗嘅背影我就覺得好幸福喇 ，佢份人係鍾意就鍾意，唔鍾意就唔鍾意，有個句講個句，唔明就問到明，講野唔會諗其他人感受，所以可能有人會覺得佢太直接，太串（寸），什（甚）至有d （啲）mean。但係其實佢係一個超級友善，又正直，又幽默又識照顧人嘅好男人黎（嚟）架。
網友一見到佢出呢個閃光POST就即刻起哄叫佢哋結婚啦，留言話「男孩像佢經已沒餘下太多」仲笑話個POST係有聲添！
來源 source: http://hk.on.cc
|
鍾意就快D Share啦！
|
|
|
