掃呢頁CODE去手機

2018年10月21日 星期日

孫耀威:六千美元有特別服務?騙徒扮孫耀威賣假飛 __,孫耀威,

老孫以正視聽!不老男神孫耀威就快開演唱會,不過有不法之徒就用假Acc,四出撞騙。老孫佛都有火,喺ig以證視聽,佢仲Cap埋個假Acc圖,裏面見到一張V ...


老孫以正視聽!


不老男神孫耀威就快開演唱會,不過有不法之徒就用假Acc,四出撞騙。老孫佛都有火,喺ig以證視聽,佢仲Cap埋個假Acc圖,裏面見到一張VIP飛竟然賣成6,000美元(約48,000港元),仲話包埋酒店預訂同免費參觀,相信係用嚟呃內地遊客。

老孫就爆粗留言話:「大家小心!這個人連我個姓都寫錯!6,000美金買我演唱會飛?!咁一定有『特別服務』大家千祈唔好中計呀!真係要送我番首新歌 #XXXX 俾(畀)呢條友聽吓!」講真,就連老孫自己都唔信佢演唱會可以賣6,000美元。

佛都有火

佢接受東網訪問時火都嚟,話今早太太陳美詩嘅朋友講番呢件事,先發現網上有騙局,暫時唔知有冇人受騙,但希望冇人中招:「希望大家理智啲,6,000蚊美金買一張演唱會飛真係傻,應該唔會有人咁蠢,但真係有啲擔心,因為有啲粉絲係會誤信咗佢。」佢又話曾喺內地做騷時,有一名司機邀請佢影合照,其後有內地粉絲同佢講,呢個司機曾用呢張合照向佢粉絲騙財,甚至有騙色之嫌,令佢擔心再有類似騙案發生,所以他在網上出甫,提醒大家要小心勿受騙。

特別服務係乜?

至於老孫ig提及「咁一定有特別服務』」係乜嘢?佢話:「我諗係『衰嘢』啦,如果佢幫你book酒店又有房,唔知會唔會嚟酒店搵你?所以要去正視此事。」問會唔會向對方追究?他話:「唔知點追究,或會發訊息畀對方,可能會透過唱片公司同事跟對方聯絡,又或者會放蛇,如搵到對方就會報警,我都想殺一儆百,唔想再有人在網上受騙。」


來源 source: http://hk.on.cc
鍾意就快D Share啦!