原來胡楓中途曾離開過無綫。
藝人胡楓（修修）、馬海倫、楊明、高海寧、陳展鵬等，今晚出席無綫長期服務暨傑出員工榮譽大獎頒獎典禮晚會，其中修修及馬海倫獲三十年服務獎殊榮，但都不及鄭裕玲四十年服務之齡，修修指因為中途曾「離場」：「大約1970年，當時做《歡樂今宵》，之後走過再返嚟，不過都未簽約，拍完《誓不低頭》之後就簽長約。（點解當時會離開？）因為私人理由。」
問到獲大獎是否好感觸？修修風趣表示沒有感受，自嘲份人好麻木，講到會頒發1.5両金牌作紀念品時，他繼續發揮搞笑本色：「我都唔知係咪攞金牌，但聽人講啲金價好貴、好犀利，咁好我等錢使呀！（之前十年、二十年嘅金牌都有儲起？）有呀！但你咁講忽然間唔記得擺咗喺邊，要搵番出嚟先得。」修修再講到有被邀請兩年後以88歲之齡重踏紅館舞台：「睇吓點樣，搞得成就好，自己都好開心有得做。」
來源 source: http://hk.on.cc
|
鍾意就快D Share啦！
|
|
|
