過咗咁多年觀眾終於留意到佢演技！
經典劇集《義不容情》近日重播，飾演「丁有健」童年的藝人李泳豪雖只得三集戲份，但獲網友洗版式激讚好戲，他感慨從演多年，終獲觀眾肯定！
突然被觀眾另眼相看，李泳豪坦言沒想過《義不容情》重播的威力如此大，謙稱最大功勞是教他讀劇本及助他入戲的母親施明，所以即時跟對方報喜：「我話你三十年前嘅功勞，到依家畀人再讚賞一次，其實最開心係畀人知道我係演員！以前畀人覺得係過鏡、甚至二打六，到依家終於知道我係識做戲！我唔係想攞獎同大紅大紫，只係想觀眾肯定。」又指最不開心是因負面新聞而影響觀眾對他的印象，更一度因此有短暫抑鬱。
提到不少網民被他雨中追囚車一幕而感動，泳豪自爆與母親加了不少意見：「原本導演話一開車就唔使追，阿媽同我都諗不如追埋出去，所以同監製韋家輝講，佢話好喎！於是就跑出去追住架車，出嚟效果真係OK。」他不忘讚爸爸李家鼎亦有為這幕在背後出力：「佢搶咗條水喉幫我淋水，話要逼真啲。」
進軍飲食界唔諗拍拖
最近，泳豪與友人合資燒牛肉立食店，指父親給予不少意見及充當試食官。事業方面終守得雲開，但感情上卻交白卷，他說：「我冇時間拍拖！雖然老竇都有催，我話順其自然先，自己唔心急，想打好個底。（隔幾耐冇拍拖？）我都唔記得喇！」
場地：阿久根和牛立燒店
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
