大陸節目《爸爸去哪兒》2013年播出第一季已經大受歡迎。一直播到第4季，中國廣電局出招限制親子真人騷，所以節目要改由網絡播出。直到第5季播出，陳小春同囝囝Jasper大熱，因為呼聲太高，兩父子再添食，參加埋第6季嘅演出。第6季仲有何猷君做實習爸爸，照顧兩個小朋友。雖然拍攝完成，本來計劃節目喺8月播出，但廣電局又出招加強廣播電視及視聽文藝節目管理政策，講到明「嚴格控制影視明星子女參與的綜藝娛樂和真人秀節目」。第6季嘅播出一拖再拖，唔少大陸網民都認為今次節目真係會胎死腹中。黃貫中同囡囡嘅《想想辦法吧！爸爸》都一樣播出無期。
唔只喺親子真人騷限播，廣雷局仲講明，嚴格控制偶像養成類節目，仲要減少影視明星參與的娛樂遊戲、真人秀、歌唱類選拔等節目播出量。即係大陸好紅嘅《偶像練習生》，《中國好聲音》等等節目都會被盯上。不過「上有政策下有對策」大陸電視台不嬲都好識改玩法，今次就要睇睇電視台同廣電局嘅大鬥法
來源 source: http://nextplus.nextmedia.com
|
鍾意就快D Share啦！
|
|
|
