上個月江美儀被爆分手變離婚，同吳君祥離婚兩年。雖然單身，但江美儀既嘅活仍然多姿多彩，平時最鍾意去行山，仲有得同發哥一齊行。不過而家對佢嚟講最緊要嘅一定係屋企兩隻狗仔，睇佢IG成日被兩隻愛犬洗版就知
呢日《壹》仔見到佢喺商場出現，就連去行街都帶埋兩隻狗仔，就知佢對愛犬有幾愛不釋手。佢一個人湊住兩隻狗都游刃有餘，等咗陣有個男性朋友嚟到，佢地仲咁啱撞到朱慧珊，江美儀即刻過去寒暄幾句。傾咗陣佢就去咗間餐廳，但唔係食飯，而係同班侍應傾偈，見佢地有講有笑咁款，睇嚟江美儀平時應該係熟客仔。本身抱住兩隻狗仔嘅佢突然放低袋，然後將狗仔放入袋。下一站佢地去嘅，竟然係戲院？帶狗去野餐，郊遊就見得多，帶埋隻狗去睇戲《壹》仔就真係少見連睇戲都要帶埋隻狗，江美儀真係同狗狗好親蜜啊，不過戲院咁靜驚唔驚狗仔會突然吠，嚇親其他人啊？
來源 source: http://nextplus.nextmedia.com
|
鍾意就快D Share啦！
|
|
|
