陳少邦首次孭飛做男一！
藝人陳少邦出席改編自台灣李宗瑞案的電影《有罪》首映，今次首度擔正做男一，問他會否擔心票房？他笑謂：「老闆緊張啲，我就緊張自己嘅表現，希望大家畀多啲評價我，畀我知有乜需要改進，因為機會未必次次有。」陳少邦稱在戲中有大量大膽床戲，並以全裸上陣拍攝：「前面全裸就影唔到，而且我做足安全措施。（某啲鏡頭有冇搵替身？）冇人肯替我，因為太辛苦，原本好多男藝人想做我呢個角色，但到最後冇人肯做，因為話題敏感、尺度又大，我接嘅時候都有問我太太意見，佢話冇問題。（有冇打真軍？）絕對冇，要嘅話我就唔會接，如果真係咁做，我應該要去日本發展。（想唔想一脫成名？）靠脫成名當然唔想，希望脫完係得到大家對我演技嘅賞識，希望多啲人搵我開工，話晒入咗行十幾年，希望得到多啲人認同，至於錢就遲啲講，認同重要啲。」
陳少邦透露在戲中至少跟五位女演員有激情戲，更表示太太已事先聲明不會觀看有關片段及電影：「可能佢會偷偷同朋友入場睇，睇完嬲咗都唔話畀我知。（太太畀你接拍，好偉大！）除咗我媽媽，太太係最偉大。我拍嘅時候都唔敢同媽媽講，怕嚇暈佢。」
來源 source: http://hk.on.cc
|
鍾意就快D Share啦！
|
|
|
