一般明星接仔女放學係點？揸架靚車去囉，甚至享有特權，可以奉旨遲到兼搭專用𨋢。咁《延禧》個乾隆呢？聶遠作為當紅炸子雞，接女放學又會出動咩戰車？有幾大陣仗呢？
從節目畫面睇住聶遠抱個女行出學校門口，門前停好晒一架架私家車，以為其中一架係佢座駕啦，點知佢行近一部單車，將個女放低喺單車後座上面，真係令人大跌眼鏡，唔少網民都大讚佢夠貼地，無其他明星一貫嘅奢華。
當然，亦有人質疑呢啲只係節目效果，為建立樸素踏實形象而預先策劃嘅橋段。如果真係事先設計，咁又真係設計得幾到位，事關節目重提聶遠喺《神鵰俠侶》楊過一角上不敵黃曉明，並當年公開大呻對方使橫手搶角色一事，聶遠再度表現出男人四十嘅成熟穩重，佢坦言：
「十年前你問我，我當然覺得很遺憾、很難受，或者什麼話都會說出來，那是個男演員都喜歡的角色。我覺得當時還年輕（才說那種話），要是今天的話，一定不會像以前那樣的心態。今天回過頭來想，我演說不定還沒有那個效果，這是我的良心話。其實我認為這就是成長，今天的我覺得有最好，沒有也沒關係。人總不能老是跟上比，要有一個平和心態。」比起為年輕時亂講嘢惹禍辯解，聶遠選擇坦承自己唔成熟，更令人佩服欣賞。
來源 source: http://nextplus.nextmedia.com
|
鍾意就快D Share啦！
|
|
|