掃呢頁CODE去手機

2018年11月9日 星期五

《跳躍生命線》:【網民鬧爆編劇】上載黑白相 張曦雯死埋? __,張曦雯,

好緊張呀!究竟係點呀?無綫劇《跳躍生命線》播出至今,真係好多觀眾晚晚追,收視同口啤都無得輸。不過好多網民話套劇死得人太多,李佳芯、陳榮峻兩公婆、張彥博 ...


好緊張呀!究竟係點呀?


無綫劇《跳躍生命線》播出至今,真係好多觀眾晚晚追,收視同口啤都無得輸。不過好多網民話套劇死得人太多,李佳芯、陳榮峻兩公婆、張彥博、羅蘭統統都要死,太傷感喇!

不過依家大家最緊張,就係講到馬德鐘向張曦雯表白叫佢留低喺身邊︰「我是命中注定要從你的世界路過。」而張曦雯又決定留低之際,大家以為有情人終成眷屬。點知無綫Big Big Channel上載咗一段劇透片,見到張曦雯為咗救個小朋友,衝出馬路畀車撞,之後馬德鐘又喺醫院喊晒、撫摸合埋雙眼冇晒反應嘅張曦雯,咁即係點呢?死定唔死? 未知!

不過,張曦雯喺社交網上載咗一張同馬德鐘嘅合照,但竟然係黑白照,網民問佢係咪有所暗示自己都係會死埋一份?咁個劇真係死得人多同太殘酷喇,網民仲留言︰「最應該死嘅係編劇」。不過呢段預告片嘅尾段,就留咗一句︰「結局,有無人可以改寫?」再留下一條伏線。大家自己諗吓啦。


來源 source: http://hk.on.cc
鍾意就快D Share啦!