2018年11月9日 星期五

張曦雯:唔介意被起底 張曦雯親解改名原因 __,張曦雯,

馬德鐘及Kelly出席《跳躍生命線》飯敍,二人於劇中飾演情侶。藝人馬德鐘與張曦雯(Kelly)出席無綫劇集《跳躍生命線》飯敍,大會安排了假髮給眾演員佩 ...


馬德鐘及Kelly出席《跳躍生命線》飯敍,二人於劇中飾演情侶。


藝人馬德鐘與張曦雯(Kelly)出席無綫劇集《跳躍生命線》飯敍,大會安排了假髮給眾演員佩戴,場面非常搞笑,馬德鐘解釋:「因為套劇畀大家感受到香港情懷,七、八十年代係最濃郁,所以就戴假髮畀啲香港情懷大家。」至於最新收視,他稱仍未知,但一直都非常理想:「大家睇埋呢兩集,今晚有好緊張嘅劇情,Kelly會畀車撞,唔知佢死唔死得,佢嘅生死關係到我嘅感情有冇着落。個結局幾特別,大家意想不到。」Kelly笑言觀眾可能睇到崩潰。

媽咪唔介意曝光

另外,Kelly最近被起底,指她出身一般,她表示:「我都唔係好神秘,向來都係話自己香港出世,其實畀人知仲開心,因為我出嚟個形象係畀人覺得好高(高貴)咁,我都只係普通人。(媽咪被曝光,佢介唔介意?)佢冇嘢,爸爸媽媽成日都陪我開工。我反而想講吓我點解改名,我原本叫張詠欣,因為媽咪話同我睇醫生嘅時候,發現好多人叫呢個名,所以兩歲嘅時候爸爸就幫我改咗名,但冇搵相士,不過幾年前我同蘇民峰合作節目,我問佢使唔使改名,佢話我個名好好、唔需要。」

想劇集攞獎

對於收視有好成績,馬德鐘坦言未有機會問監製會否拍續集,Kelly謂不少網友大表不捨,未結局已跪求開續集,馬德鐘笑言:「拍續集要睇你死唔死得先,可能拍前傳。(你有冇期拍?)個期大家可以將就。」問到有否信心攞獎?馬德鐘直言比起個人獎項,更想劇集攞獎,又指看好何廣沛及Kelly。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...