2018年11月27日 星期二

【最緊要開心】前無綫綠葉王高俊文轉行做保安 揚言收入好過做藝人 __,無綫,

昔日經常演法官嘅綠葉王高俊文,原來已轉行做保安。(資料圖片)
今年8月剛踏入60歲嘅「綠葉王」高俊文,當年經常喺無綫劇集做專業人士角色,13年佢加盟王維基旗下嘅香港電視網絡(HKTV),點知因為政府唔發牌,令好多 ...


今年8月剛踏入60歲嘅「綠葉王」高俊文,當年經常喺無綫劇集做專業人士角色,13年佢加盟王維基旗下嘅香港電視網絡(HKTV),點知因為政府唔發牌,令好多電視人包括高俊文在內加入失業大軍行列。



原來高俊文好似李中寧一樣,已經轉咗行做保安,今日有周刊登咗高俊文喺一間連鎖百貨公司做保安嘅相,高俊文接受訪問時,話現時收入穩定,好過以前做藝人,又話自己唔會再拍番嘢。所謂行行出狀元,最緊要活得開心同健康。《蘋果》曾多次聯絡高俊文,但未獲回覆。至於早年同高俊文過檔港視嘅張松枝,對高俊文轉行一事話唔清楚:「佢都轉咗行,我都唔方便講啲乜嘢。」



高俊文係78年無綫第7期藝員訓練班出身,同甘國衛及已故嘅鄺佐輝係同屆畢業生,喺無綫經常扮演專業人仕,例如《學警出更》做教授、《通天幹探》、《怒火街頭》及《律政新人王》做法官等等,又同鄧萃雯拍過《巾幗梟雄之義海豪情》等劇。



13年高俊文過檔港視,因為港視不獲發牌,佢同成班港視員工連續兩晚喺政總門外抗議,仲同陸駿光、張松枝及郭鋒上演撐港視嘅《半澤直樹》短劇,飾演部長角色。之後佢接受《蘋果》訪問時,自爆70年代因為被指拒接無綫監製王天林通告而無奈離開無綫,到2000年佢再返無綫,又因為拍《楚漢驕雄》墮馬受傷一事同無綫有訴訟,後來拍《我的野蠻奶奶》做皇帝,點知第一日開工遇着「阿姐」汪明荃,由於自己唔爭氣成日NG,被阿姐話佢冇做功課,自己同阿姐拗咗幾句之後,第二日就被換角。



精選娛聞,喺晒《娛果》

http://fb.com/appledailyent



昔日經常演法官嘅綠葉王高俊文,原來已轉行做保安。(資料圖片) 13年效力王維基嘅港視。(資料圖片) 13年效力王維基嘅港視。(資料圖片)
同鄧萃雯拍《巾幗梟雄之義海豪情》。(劇照)

同鄧萃雯拍《巾幗梟雄之義海豪情》。(劇照)
同李楓拍HKTV《大眾情性》。(劇照)

同李楓拍HKTV《大眾情性》。(劇照)
13年高俊文(左起)同郭鋒、陸駿光及張松枝喺政總外上演撐港視嘅《半澤直樹》短劇。(資料圖片)

13年高俊文(左起)同郭鋒、陸駿光及張松枝喺政總外上演撐港視嘅《半澤直樹》短劇。(資料圖片)
高俊文喺《怒火街頭2》做法官。(網上截圖)

高俊文喺《怒火街頭2》做法官。(網上截圖)
高俊文早年接受訪問講電視辛酸。(資料圖片)

高俊文早年接受訪問講電視辛酸。(資料圖片)

鍾意就快D Share啦!