經一事長一智，以後都係小心啲好。
無綫藝人羅天宇與同母異父細佬胡㻗帶同愛犬出席活動，胡㻗早前被拍得到與前港姐劉穎鏇摸黑「車震」，他直言公司有搵過佢傾，說:「依家大家都係工作為先，件事對佢都好大打擊，唔想影響到佢。（有冇發展機會？）唔知，工作為先，等大家事業穩定啲先諗。（咁你對佢有冇意思？）好多人都鍾意佢，佢好nice，係個好女仔，大家都保持聯絡。（以後唔敢再做人司機？）會避忌啲，唔好畀人誤會。（公司棒打鴛鴦？）唔清楚，我哋仲係好好朋友。」
至於羅天宇前女友湯洛雯與鄭子邦傳緋聞，他說：「據我所知唔係，如果佢搵到幸福我都開心，我哋都有聯絡，大家仲係朋友。（當晚佢哋黐得好埋，會否叫佢要保護好自己？）係要小心啲，佢都好唔開心被人咁講。（你哋有冇機會復合？）唔知，問題唔係咁易解決。」此外兩兄弟均表示現最希望可以儲到錢買樓，但笑言儲錢目標仲有一段距離。
來源 source: http://hk.on.cc
|
鍾意就快D Share啦！
|
|
|