距離立法會九龍西補選投票日尚餘不足兩星期，候選人都趁週末出動落區，搞造勢大會及巡遊拉票。在剛剛過去的週末，馮檢基就在深水埗街頭舉行集氣大會，讓支持者分享撐阿基的理由，又細數基哥過去社區工作何以幫他們解決各種難題。
雖然支持者數來數去都只得廿多人，但係基哥強調佢係重質不重量，相信自己能令香港「再次好起來」云云。
然而，在集氣大會期間，《壹》仔發現人群當中有一光頭男，細心地閱讀他的傳單，又一直在聽眾支持者發言，在街頭企足一個多小時。原來他正正就是二零一四年「雨傘運動」期間，反佔中代表人物之一「光頭周」周念慈。
當年「光頭周」行事頗為勇武，不時帶隊去旺角反佔領，與佔領人士衝突、主動拆路障。佢又曾經帶領一班大叔大媽包圍《蘋果》總部，惡形惡相相當出位下，為反佔中陣營其中一個代表人物。但「光頭周」自「雨傘運動」結束後漸漸銷聲匿跡，一五至一六年間又曾經捲入刑事恐嚇官司，最終獲判無罪。
原本旗幟鮮明「反佔中」，理應係保皇黨忠實支持者的他，因乜解究會轉個頭來撐基哥？佢就解釋話，今次補選五個候選人入面，有兩人定是空降，佢肯定唔會支持，而阿基在社區中有實力，幫到基層市民，所以會支持他。
光頭周又話如果阿基當選，「可以幫助香港不會有這麼大撕裂。」如果對方有需要，他可以隨時出動幫手。
「我會義不容辭為他掛橫額、或做宣傳、或向朋友講解，何謂好的、可靠的、誠實的人。」
聲稱住在尖沙嘴，補選中定會支持阿基的光頭周，仲話自己正在修讀課程，準備轉行到醫院當病房服務助理，幫更多人咁話。
立法會九龍西補選其他候選人包括伍廸希、曾麗文、李卓人及陳凱欣。
撰文：巫不言
立即下載Apps，隨時隨地睇盡時政專題、深度偵查、娛樂熱話！按此連結：
http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
