李嘉對俄羅斯女友情深義重！
有「功夫狂人」之稱的李嘉在無綫劇集《城寨英雄》中飾演惡霸「馮夏滿」，憑活靈活現的表現成功入屋。劇接劇的他最近還演出重頭劇《包青天再起風雲》和《大帥哥》，事業順利。別看他只懂武刀弄劍，其實也有鐵漢柔情的一面。早前他返內地工作時，在火車上邂逅俄羅斯籍女友Yana Kobza，二人一見鍾情發展異地戀，主要透過社交網聯絡，但每當有空就飛往當地會女友。
「未知良性定惡性」
熱戀半年的李嘉最近飛到女友家鄉見家長，一家人玩煮飯仔之餘，又玩射擊，更讓對方替他理髮，可見融入家中。他還將「見家長」照片分享到社交網，更以俄文發表愛的宣言：「我的最愛」、「謝謝你喜歡我，我愛你」、「溫暖的俄羅斯，謝謝親愛的」，幸福滿瀉。
可惜上月女友不幸發現腦部有腫瘤，今個月要接受腦部手術。東網致電李嘉，他表示早前特意「人肉速遞」為女友打氣：「上個月佢感到身體不適，經常嘔同頭暈，檢查後發現腦有腫瘤。今個月準備做手術，依家接受緊治療，未知係良性定惡性。（飛過去陪佢做手術？）嚟緊《大帥哥》就出，啲期撞埋晒，但就到時間就一定會過去。」
幫補醫藥費
拍劇、教功夫兼經營飲食生意的他，為抽時間陪伴患病女友，坦言已辭去餐廳股東，且接了多部微電影工作，希望幫補女友醫藥費，他續說：「放得太多時間喺搵錢度，會忽略身邊人。如果大步檻過，而佢願意，我會同佢一齊。（係咪結婚？）係，依家我淨係想佢開心同渡過難關。」他透露平日雙方以英語溝通，自己更主動學俄語，希望了解女友的文化：「因為唔似香港咁同聲同氣，不過語文不通，反而更加細心去觀察對方同內心感覺。」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
