小恩子一直好支持慈善活動。
藝人黎瑞恩（小恩子）出席慈善活動記者會，講到由以前行路上廣州變現在行路到泰北，她稱有時間就出錢出力，沒時間時都會捐錢撐慈善，不過她今次冇時間參加泰北行，事關兒子剛考獲澳洲寄宿學校，所以明年初會離開香港幾個月，去澳洲安頓好兒子。問工作可有受影響？她謂：「可能係過新年啦，咁啱三月後先有工作。」
驚冇學校收
小恩子大爆仔仔面試時激她一肚氣：「有幾個入學試喺香港教，教完就要視像面試，人哋問佢有乜嗜好？佢竟答食飯同瞓覺，我喺後面聽住真係頭頂冒火，咁答真係死梗事後我鬧佢，佢話係講真話，咁我又覺佢冇錯嘅，好彩第二日學校打嚟話收佢咋！」
兩子女都到外國留學，問她是否終獲自由？她笑言：「係呀！（怕唔怕冇仔女喺身邊，寂寞而唔捨得？）又唔會唔捨得，因我想阿仔學獨立，男仔應該男子漢啲，唔可以乜都搵媽咪同工人幫，家姐去咗外國讀，返嚟變咗另一個人，識照顧自己又識唔好亂使錢，以前佢鍾意就要買㗎。」
來源 source: http://hk.on.cc
|
鍾意就快D Share啦！
|
|
|
