掃呢頁CODE去手機

2018年11月25日 星期日

【八姑娘都有到!】賭王生日猷君微博貼相 陪爸爸睇招股書 __,猷君,賭王,何鴻燊,

(微博圖片)
【21:15新增內容】賭王何鴻燊今日97歲生日,今日輪到四房同佢慶祝,猷君仲帶埋人生第一本招股書俾爸爸過目。大概晚上6點半,四太同子女離開醫院,原來賭 ...


【21:15新增內容】



賭王何鴻燊今日97歲生日,今日輪到四房同佢慶祝,猷君仲帶埋人生第一本招股書俾爸爸過目。



大概晚上6點半,四太同子女離開醫院,原來賭王胞姊八姑娘都有坐住輪椅去醫院探賭王,八姑娘同四太等人一齊離開醫院,見八姑娘都好精神。



問四太賭王心情點,佢話:「開心呀,姊姊又嚟探佢。」四太喺猷君陪同下接受傳媒訪問,佢話:「大家都知我係肉嘴一個啦,例牌。」咁錫咗幾多啖?四太話:「點數咁多。不過最開心今日禮物就係我囝囝,佢話畀爹哋聽上市啦,呢個係畀佢最大嘅禮物,啲小朋友個個都好乖,可以有自己鍾意做嘅嘢。」



賭王有冇乜嘢意見個仔?四太話:「爹哋由細都教緊㗎啦。」猷君就話:「爹哋話繼續努力,話好開心聽到呢個消息。其實一路都冇同佢講過,媽咪就一早知啦,但爹哋係完全唔知,所以今日都好驚訝,有啲唔係好信。」又話賭王望住本招股書都望咗好耐,佢話:「佢話繼續努力,同埋同我講,希望我人生唔係淨係得一本,希望有更多本。」問四太仲有乜嘢禮物送畀賭王,佢話:「梗係我自己個肉嘴啦。我哋最緊送畀佢一個祝福,祝福佢永遠都健康,我諗呢個係佢最需要嘅禮物。」



問賭王食蛋糕開唔開胃?四太話:「都唔可以畀太多呢啲嘢佢食,我自己都唔食得呀。」問到超盈有冇帶新男友見賭王?四太話:「今日冇。賭王都好開心,佢知道嘅,超盈有話佢聽,你哋訪問番超盈啦。」四太仲話多謝傳媒一齊祝福賭王,希望大家都身體健康。



而猷君頭先就喺自己微博貼相,佢留言話:「今天是意義非凡的一天,從來沒有想到,爸爸的生日和公司上發佈會的大日子,會神奇的發生在同一天裏!上巿敲鐘,這是我從小到大的夢想。曾經覺得遙不可及,但在無數個日子的努力準備之後,終於可以告訴大家,我們今天順利完成了上巿新聞發佈會!今天也是爸爸的生日,讓你感到驕傲一直是我奮鬥的動力。因為你甚麼都不缺,每年給你準備禮物是最頭痛的事情!今年,我終於能夠給你一個特別的、最有意義的禮物——人生中的第一本招股書!!我想說:爸,97歲生日快樂!我會一直努力,做值得你驕傲的兒子!」



超盈亦有喺ig story上載兩張相,一張係佢同猷君嘅合照,而另一張則係超盈同賭王一齊睇手機嘅相,而呢張相仲隱約見到係佢同男友及四太嘅合照。



Google Play 2018 年度最受歡迎應用程式,

請即點擊 http://bit.ly/2FCthz5 投《蘋果動新聞》一票



精選娛聞,喺晒《娛果》

http://fb.com/appledailyent



(微博圖片)  賭王胞姊八姑娘都有坐住輪椅去醫院探賭王。(採訪、攝影:畢紹基、孔志豪) 賭王胞姊八姑娘都有坐住輪椅去醫院探賭王。(採訪、攝影:畢紹基、孔志豪)
四太話賭王見到姊姊好開心。

四太話賭王見到姊姊好開心。
 猷君事業上大展拳腳,仲話睇咗本招股書好耐唔係好信。

猷君事業上大展拳腳,仲話睇咗本招股書好耐唔係好信。
 四太例牌不停送肉嘴俾賭王。

四太例牌不停送肉嘴俾賭王。
猷君之後喺微博貼相,同賭王一齊切蛋糕。(微博圖片)

猷君之後喺微博貼相,同賭王一齊切蛋糕。(微博圖片)
佢仲拎住人生第一本招股書同爸爸一齊睇。(微博圖片)

佢仲拎住人生第一本招股書同爸爸一齊睇。(微博圖片)
超盈之後亦有喺ig story度post相。(ig圖片)

超盈之後亦有喺ig story度post相。(ig圖片)
超盈同賭王一齊睇手機嘅相,而呢張相仲好似係佢同男友及四太嘅合照。(ig圖片)

超盈同賭王一齊睇手機嘅相,而呢張相仲好似係佢同男友及四太嘅合照。(ig圖片)

鍾意就快D Share啦!