今年大台視帝、視后競爭唔算激烈，亦無邊個候選人特別突出、獨佔鰲頭。假如TVB識啲玩法去製造話題，袁偉豪好大機會問鼎三料視帝。好事成雙，黃智雯分分鐘爆埋出嚟都唔定，最多都係得陳煒可以拗下手瓜。
雖然視帝視后花落誰家仍有懸念，但今年大台金蛋男、金蛋女就毫無疑問，必定係《BB來了》嘅一對主角－－黎諾懿及李佳芯。
大台入面，年輕型男暖爸形象嘅藝人唔多，非黎諾懿莫屬。以早前《萬千星輝賀台慶》為例，黎諾懿忙完成晚之後，返到屋企仲親自下廚煮宵夜俾老婆、囝囝食，抵佢人氣高企啦。所以，今年黎諾懿獲得各大集團、品牌垂青，爭相搵佢做代言拍廣告，上至美容儀器、藥品，下至食品、奶粉，咩範疇都可以handle到，大台生金蛋男仲唔係黎諾懿？
金蛋女方面，Ali李佳芯一枝獨秀。除咗靚麗外形、正面形象吸引唔少美容品牌搵佢代言之外，就連喺華人社區通行嘅支付平台都邀請Ali合作，佢幫大台嘅吸水力能力有幾高可想而知。
來源 source: http://nextplus.nextmedia.com
|
鍾意就快D Share啦！
|
|
|
