【新增圖片＆內容】
已故「影壇大哥」鄧光榮，縱橫影壇數十年，當年更被封「學生王子」，11年突然喺家中心臟病，睡夢中離開，終年64歲。佢生前跟太太嚴納珍育有兩女鄧業炘（Yvette）同鄧業煒（Ellie），大嫂嚴納珍跟兩女相依為命，原來噚晚係32歲孻女Ellie大喜日子，佢嫁畀台灣男友Alex Liu，一對新人外型合襯。鄧光榮未能親送細女出嫁，相信一定十分遺憾。
新娘子Ellie噚晚穿上紅色晚裝，打扮高貴典雅，場中興奮招呼親友，外母嚴納珍全晚更笑不攏嘴。由於鄧光榮夫婦跟圈中人熟稔，所以噚晚婚宴都有邀請唔少圈中人，包括「歌神」張學友、胡楓、岑建勳、陳欣健、徐天佑等。一班前輩都係鄧光榮生前老友，齊來喝世姪女喜酒。
徐天佑噚晚喺Instagram貼出跟新人嘅照片，還有佢同「歌神」張學友並排合照，徐天佑沾沾自喜留言：「終於同歌神合照喇！我哋又寒暄咗幾句，不過呢句先係重點，學友：『點解你個樣仲係咁細個嘅？』」
陳欣健也有喺網上貼相分享婚宴喜悅，佢戥新娘子Ellie嫁得好老公開心，陳欣健今日短訊回覆《蘋果》時話：「我20多歲認識她的父母，看着她的出生和成長，見到她找到人生中如此疼愛她的另一半，讓我的內心充滿了喜悅和感動。」
新娘子Ellie平日非常低調，根據資料顯示，佢16歲就到美國讀書，學習獨立，09年返港，任職可持續發展工作，佢不時到貧窮地區幫助小朋友改善生活，佢亦支持推動環保。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
