網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月4日 星期日

【開心就會靚】曾為負批影響自信 張嘉兒:我覺得自己嘅人生係好perfect __,張嘉兒,

攝影:陳慧安/資料圖片
07年港姐冠軍張嘉兒喺15年同圈外男友Nathan結婚,生咗個囡囡Leora之後,佢由全職藝人變咗做全職媽媽,上個禮拜仲宣佈有咗第二胎,預產期喺明年5 ...


07年港姐冠軍張嘉兒喺15年同圈外男友Nathan結婚,生咗個囡囡Leora之後,佢由全職藝人變咗做全職媽媽,上個禮拜仲宣佈有咗第二胎,預產期喺明年5月。其實自從嘉兒做咗媽咪之後,生活習慣統統改變晒,早前喺九龍城接受訪問話:「我o依家主力湊女,拍劇已經少咗拍,本身有一間語言中心,有時會去管理 有時會拍啲關於湊仔嘅片去fb,分享吓湊b心得。雖然囡囡好黐身,不過好彩我都係一個痴身嘅媽咪,平時好少出街,就算約人食飯,都好早返去,出街亦唔會著高踭鞋,唔會再拎細細個嘅袋,一定係大個嘅袋,所有嘢都唔同晒。」嘉兒仲好sweet咁話:「但係我好開心、好enjoy,成個人嘅責任感多咗同性格好咗,俾佢訓練咗個耐性出嚟!」



生於大家庭嘅嘉兒,四姊妹嘅感情好好,嘉兒婚後都希望建立一個大家庭,佢話:「其實今次再有BB,都係計劃之內嘅事,我好想小朋友可以有兄弟姊妹一齊陪伴成長,不過o依家計劃暫時生2個,之後睇經濟狀況再決定係咪生第3個。」不過嘉兒話佢擔心Leora會呷醋:「當我有咗BB,我都有同佢講,話媽咪個肚有個BB,叫佢錫吓我個肚,第一次去產檢都同埋佢一齊去,醫生都有叫佢一齊參與,好似幫手擠啲gel落我個肚,睇吓超聲波啲片,希望佢早啲明白,好開心咁去接受生命嘅來臨。」



查實咪睇Leora只係得2歲幾,嘉兒話:「佢學講嘢學得好快,好似教佢講嘅,第二日識得自己講番出嚟,好開心見證到佢一步步成長,基本上我盡量乜都俾佢試,放膽早啲試。我成日都提自己要做個好嘅榜樣,但係好多嘢講就易容易,但係要做就好難,好似唔玩電話、iPad同睇電視,呢啲我做到好足,但係我本身好鍾意食零食同餅乾,我個女就跟到十足,佢試過走去指住櫃桶話要拎餅餅,爹哋好鍾意薯片,我諗將來佢都係一個好鍾意食薯片嘅人。」



嘉兒又話:「希望3歲前可以自己教,俾佢喺玩樂中去學習,等3歲之後開學。」唔知佢又會同囡囡報讀傳統定國際學栱校呢?佢話:「我有同老公有商量過,如果傳統學校,可以俾佢學多啲中文,因為想係識講識寫,所以我哋都好想佢學好啲,中文真係好重要,反而英文唔係好擔心,因為香港嘅社會環境好易學英文,如果可以識晒兩樣就好好,不過又擔心會太多功課,好掙扎,所以真係要好好研究。」



唔知佢又唔會俾囡囡入行?嘉兒話:「我媽咪冇阻止我哋去選擇,我覺得都應該俾佢自己去選擇,但係我未必想佢參加港姐!」追問箇中原因,嘉兒最初都好平靜話:「可能當年嘅經歷多多少少都有啲影響,始終做娛樂圈會成日俾人批評,私人空間會少咗,所以都唔想佢喺俾人批評嘅情況吓長大,都好辛苦。」不過當年嘉兒面對四方八面嘅壓力,總算捱咗過去,嘉兒眼紅紅話:「我都諗唔到點解以前可以咁堅強,其實係有影響,有唔開心,但係當時可能太多事情發生,未有時間去吸收發生乜嘢事,就好唔開心咁釋放出嚟,對我係有影響,喺之後嗰幾年,我嘅信心係減低咗,要慢慢去調節,唯有自己繼續努力,學吓點樣去扮靚,因為我都改變唔到人哋嘅睇法,唯有自己做好自己。」



唔知嗰陣點樣重建自己嘅信心?嘉兒話:「我以前都成日諗,喺我生命裡面,可能好多人都會批評我,或者好多觀眾唔鍾意我,但係喺呢個圈以外,我好多嘢都好完滿,有好好嘅家庭,好好嘅學業,有好嘅健康,呢啲嘢對我嚟講已經好夠,我唔想俾一個小小嘅圈圈而變得唔圓滿,我好開心同感恩,我擁有好多其他嘢,好似有好錫我嘅老公同屋企人,真係好足夠,慢慢就開心返。」言談間嘉兒又有啲眼紅紅,不過好快平伏心情話:「開心真係會靚,我都好耐冇提過呢件事,估唔到諗番真係有啲感覺,只係嗰樣唔好,但係其他嘢都好好,所以我覺得自己嘅人生係好perfect,唔應該怨天怨地,依家諗番,唯一影響咗係信心,未選之前好有自信,點知選完之後冇咁有自信,但係o依家生完個女,俾咗多自信我,做咗媽媽,就算冇10分,都有8分半喇!」



至於有冇諗過同囡囡分享,佢話:「冇嗰個經歷,未必有o依家嘅我,點解可以諗得咁通,點解咁開心,都可能因為呢個經歷。我當然唔會希望佢經歷我曾經經歷過嘅嘢,不過我希望佢喺我身上,學到跌低點樣可以企番起身,可以做一個自信同獨立嘅人。」



髮型、化妝:Phoebe Y@Phoebe Y Image

場地提供:Ludus Club



精選娛聞,喺晒《娛果》

http://fb.com/appledailyent



攝影:陳慧安/資料圖片 嘉兒日前宣佈陀第2胎,佢話自己都鍾意大家庭。 嘉兒日前宣佈陀第2胎,佢話自己都鍾意大家庭。
做咗媽咪嘅嘉兒,笑住話自己耐性多咗。

做咗媽咪嘅嘉兒,笑住話自己耐性多咗。
平時湊女,嘉兒好少機會著高踭鞋。

平時湊女,嘉兒好少機會著高踭鞋。
重提當年當選後嘅經歷,張嘉兒坦言一度自己失去信心。

重提當年當選後嘅經歷,張嘉兒坦言一度自己失去信心。
想不到事隔多年,重提當選後嘅負評,嘉兒忍唔住喊。

想不到事隔多年,重提當選後嘅負評,嘉兒忍唔住喊。
自從生了囡囡後,張嘉兒做了全職媽咪。(ig圖片)

自從生了囡囡後,張嘉兒做了全職媽咪。(ig圖片)
張嘉兒一夜成名後,隨即惹嚟負評!(資料圖片)

張嘉兒一夜成名後,隨即惹嚟負評!(資料圖片)
(資料圖片)

(資料圖片)

鍾意就快D Share啦!