王君馨雖然擔正台慶劇《是咁的，法官閣下》，但今屆「最佳女主角」、「最受歡迎電視女角色」應該無佢份架喇。不過假如大台肯增設一個「我最討厭女角色」，相信王君馨必定係大熱，因為好多觀眾都一致認為：「王君馨可能係最多人想佢死嘅TVB女主角。」
王君馨飾演嘅莫希萊一角，性格上太感性，感性得有啲變態，搞到要將夫妻嘅感情問題鬧上法庭，濫用社會資源之餘又涉嫌俾假口供妨礙司法公正，更可惡嘅係呷屋企隻金毛犬醋，然後欺負隻狗，真係冇陰公。所以，唔少觀眾都話佢呢種女人好難頂，唔單只男觀眾，連女觀眾都係咁認為。於是，當睇到王君馨坐喺天台疑似想跳樓自殺時，觀眾第一反應唔係阻止，反而話：「咁遲先跳？跳啦臭X，係死先好呀！」可想而知佢個角色幾乞人憎。
不過，不得不讚套劇嘅製作者。當人人都好唔鍾意王君馨嘅時候，劇情立即言簡意賅咁講返佢過去嘅遭遇、心路歷程，又救返一隻被遺棄嘅垂死狗仔，令本來覺得佢煩膠嘅觀眾，突然之間轉軚同情佢。能夠喺彈指間掌控觀眾對一個角色嘅感覺，值得俾like。當然都唔可以抹殺演員嘅功勞啦。
來源 source: http://nextplus.nextmedia.com
|
鍾意就快D Share啦！
|
|
|