Kay唔敢同囡囡講佢入咗迪士尼。
歌手謝安琪（Kay）現身迪士尼樂園的活動，她稱歲半的女兒受她耳濡目染也愛上樂園的卡通人物：「佢有好多公仔，晚晚都會同公仔傾偈，好多嘢傾，有時我都唔知佢講乜。我唔敢同佢講我今晚入嚟做嘢，因為太夜，佢平時八點半就瞓，我好似出賣咗佢咁，好在佢未到識睇新聞嘅年紀。（囡囡會唔會扭你買公仔？）唔會，佢好滿足，如果有啲公仔冇名，佢會自己改名，有隻叫OK，有隻叫費事。（你喺佢面前唔敢叫老公張繼聰嘅暱稱？）我同阿聰冇乜暱稱，我會叫阿聰做Lulu，個女有時會叫爸爸做阿聰，叫我做Kay。」
提到位於佛羅里達洲的主題樂園提供喪禮服務，Kay認為葬禮不一定是傷感：「每個人都要面對離別，但點樣去面對愛惜嘅人離開係一個選擇，可以喺嗰個人生前喜歡嘅地方舉行喪禮，可能對面對死亡有正面影響。（但中國人對死亡比較忌諱。）呢個係好好機會去衝破忌諱，死亡一定係傷痛，但咁做可能幫到大家康復。」
Kay坦言也有想過自己的身後事，她希望朋友可以歡送她離去：「我有首歌叫《歡送會》，一個人出世時一個人喊，希望離開時，啲人唔好為我喊太多，我一個人帶走傷痛就得，將開心留畀身邊人。（如果香港嘅主題樂園都可以提供喪禮服務？）我冇諗到太深入，好多方法去面對死亡，葬禮形式亦有好多可能性。」
來源 source: http://hk.on.cc
|
鍾意就快D Share啦！
|
|
|