掃呢頁CODE去手機

2018年12月3日 星期一

黃心美:失散逾20年!黃心美靠阿澤搵番表哥 __,杜汶澤,阿澤,黃心美,

失散廿幾年都搵得番好難得!人間有愛!同家人失聯,係一件好慘嘅事,仲要失聯廿幾年,真係慘上加慘!藝人黃心美喺facebook寫咗篇「尋找表哥的故事」嘅文 ...


失散廿幾年都搵得番好難得!


人間有愛!同家人失聯,係一件好慘嘅事,仲要失聯廿幾年,真係慘上加慘!

藝人黃心美喺facebook寫咗篇「尋找表哥的故事」嘅文,佢話同表哥失散廿幾年,心美爸爸依家就快七十歲,都想心美搵番表哥,佢就有限嘅資料嘅情況吓,用盡自己嘅網絡去尋親,淨係知道佢表哥讀男拔,訊息少之有少,心美其實都心灰意冷!咁啱藝人杜汶澤又係讀男拔,心美同阿澤雖然相識,但未至於熟到搵對方幫手,點知阿澤勁有義氣,「吹晒雞」幫心美搵表哥,最後皇天不負有心人,真係畀心美搵到!佢話:「阿澤好興奮咁話『搵到嘞!搵到嘞!』接住我check番LinkedIn,真係搵到嘞!表哥嘅回覆令我流咗好多開心感動嘅眼涙。」

佢好感恩,仲喺社交網多謝幫過佢嘅人:「表哥嘅回覆令我流咗好多開心感動嘅眼涙。呢幾年我每次去拜姑姐都會叫佢保佑我幫daddy搵番表哥,依家終於搵到嘞。衷心多謝你杜汶澤先生,由尋晚出post到依家唔夠廿四個鐘幫咗我一個我無以回報嘅大忙。亦衷心感激每一位同我素未謀面仍然願意喺呢件事上幫我一把嘅人。I just can’t thank you enough。我啱啱已經同表哥交換咗電話,我保證以後唔會再同佢失去聯絡。」真係令人感動!


來源 source: http://hk.on.cc
鍾意就快D Share啦!