掃呢頁CODE去手機

2018年12月3日 星期一

【同病相憐】母女自小冇老竇被人笑 吳綺莉︰多難聽的說話都聽過 __,吳綺莉,

吳綺莉嘅19歲獨女卓林,去年承認出櫃,今年4月離家去咗加拿大,上個月同31歲外籍女友Andi喺加拿大結婚。婚後卓林同Andi已喺上月24日秘密返港,仲 ...


吳綺莉嘅19歲獨女卓林,去年承認出櫃,今年4月離家去咗加拿大,上個月同31歲外籍女友Andi喺加拿大結婚。婚後卓林同Andi已喺上月24日秘密返港,仲由阿媽吳綺莉安排同事去接機。(新聞連結: https://bit.ly/2PTXdes )吳綺莉對卓林返港肯搵阿媽,佢曾經喺訪問中話︰「做父母都要接受小朋友長大,我都要適應。」母女關係得以緩和。



呢排忙於工作嘅吳綺莉,噚晚喺社交網貼咗張開工拍攝嘅相,兼發文講感受,仲tag住「覺得活著真好」講到自己細個冇爸爸的日子,習慣被人笑,媽媽被長輩笑,佢更反問︰「我父親姓吳,我錯在那裡?」之後佢講到女兒卓林同佢一樣,自小沒有爸爸的日子,兩母女同病相憐,吳綺莉仲話最緊要係女兒感受良好。



佢發文後,有不少網民留言支持呢位單親媽媽,有網民叫佢返教會參加團契,吳綺莉都有回覆對方,留言︰「father is in my heart 」。另一位網民留言鼓勵佢︰「笑罵由人懶理他。」吳綺莉亦回覆對方︰「只有女兒我有感受,其他的都是小事。」



吳綺莉facebook全文︰

「從懂事開始,就習慣了給人笑沒感受,長輩們笑我母親,妳和妳老公離了婚還要帶著一個和妳老公一樣樣的孩子,妳真慘,我父親姓吳,我錯在那裡?從小多難聽的說話都聽過,去到十多歲對別人的聲音已無感覺,沒想到女兒性格和我不一樣,現在的每一天我最大的工作是要令我女兒感受良好,其他的都不是一件事,感謝天父,感恩每一天。」



精選娛聞,喺晒《娛果》

http://fb.com/appledailyent





吳綺莉噚晚fb發文講感受。(fb圖片) 吳綺莉噚晚fb發文講感受。(fb圖片)
仲貼咗開工相。(fb圖片)

仲貼咗開工相。(fb圖片)
吳綺莉親自回覆網民。(fb圖片)

吳綺莉親自回覆網民。(fb圖片)
(fb圖片)

(fb圖片)

鍾意就快D Share啦!