掃呢頁CODE去手機

2018年12月15日 星期六

【倒數5日】準人妻鍾欣潼冧爆表示:「期待即將組織嘅家庭」 __,鍾欣潼,阿嬌,

【倒數5日】準人妻鍾欣潼冧爆表示:「期待即將組織嘅家庭」阿嬌鍾欣潼同未婚夫賴弘國參與拍攝嘅實習父母節目《爸媽學前班》,前日(13日)播出最後一集。今次 ...


  • 【倒數5日】準人妻鍾欣潼冧爆表示:「期待即將組織嘅家庭」


  • 阿嬌鍾欣潼同未婚夫賴弘國參與拍攝嘅實習父母節目《爸媽學前班》,前日(13日)播出最後一集。今次嘅見習之旅,阿嬌除咗學到豐富嘅育兒經驗,仲更加深咗同賴弘國嘅了解。

    經過呢段時間,佢哋兩個人終於成功畢業兼獲頒發畢業証書。阿嬌同賴弘國返到去星空小屋回應一路以來嘅成長點滴,由第一日去到嘅唔慣,到而家嘅唔捨得,阿嬌話好感謝有呢段同賴弘國相處嘅時間,令到佢哋可以加深了解。節目組亦為每位嘉賓準備咗一份紀念禮物,佢哋兩個收到一對杯。知道「一杯子」係拎「一輩子」嘅國語諧音後,阿嬌好感謝節目組嘅祝福。佢話透過呢個節目,感受到父母教育係好有意義嘅事,而家嘅自己對未來充滿信心,佢哋兩個亦好期待未來即將組織嘅家庭,同時希望成為更好嘅父母、俾小朋友更好嘅未來。

    立即下載Apps,隨時隨地睇盡時政專題、深度偵查、娛樂熱話!

    按此連結:http://bit.ly/next28app


    鍾意就快D Share啦!