【生一個B獎一億】林夏薇有米老公莫贊生 被貼「股壇老千」街招 __,林夏薇,

【新增回應】林峯堂妹、31歲嘅林夏薇，15年嫁畀身家逾20億金融才俊莫贊生（Jason），對方係多間上市公司董事。不過《蘋果》記者發現，今日凌晨12時 ...

【新增回應】

林峯堂妹、31歲嘅林夏薇，15年嫁畀身家逾20億金融才俊莫贊生（Jason），對方係多間上市公司董事。不過《蘋果》記者發現，今日凌晨12時許，喺將軍澳電視城附近嘅圍欄發現薇薇夫婦被人貼街招，驟眼看去有成幾十張，內容寫住﹕「金融才俊，其實係空心老倌，老婆生一個BB畀一億，邊有錢畀，提防股壇老千」。可能噚晚係《歡樂滿東華》，電視城內外會較熱鬧，但薇薇已同無綫約滿。《蘋果》今日聯絡薇薇，佢短訊回覆：「這種行為非常無聊，不值得回應，我們行得正企得正！交畀警方處理，多謝關心。」

薇薇同Jason由拍拖都結婚都好低調，結婚當日喺山頂嘅超級豪宅搞婚禮，薇薇着住低胸魚尾婚紗出嫁，圈中只請咗堂哥林峯同當時未分手女友吳千語觀禮，林夏薇仲喺婚禮上高歌《朋友》答謝親友，老公肉緊攬住老婆示愛（新聞連結： https://bit.ly/2RJlHEf ）。

薇薇升呢靚太後，雖仍有拍劇，但不時喺社交網放閃晒幸福，又孖住老公Jason豪遊歐洲，又坐遊艇出海。不過結婚三年，薇薇未有所出，佢今年6月約滿無綫決定唔續約，結束七年賓主關係。（新聞連結： https://bit.ly/2RNmdRC ）有指薇薇想趁空檔休息調理身子生B，曾有報道指薇薇生一個會獲老公獎一億。

精選娛聞，喺晒《娛果》

http://fb.com/appledailyent

林夏薇獲有米老公Jason打本開食肆。(資料圖片)	 林夏薇不時喺網上晒坐遊艇出海相片。(資料圖片)	 林夏薇不時Ig放閃。(Ig圖片)
 林夏薇升呢靚太，好識享受生活。(Ig圖片)	 唱衰林夏薇老公Jason嘅街招，今日凌晨被發現張貼喺將軍澳電視城外圍欄。

來源 source: http://hk.entertainment.appledaily.com

鍾意就快D Share啦！

下一篇 》