黃子華預計忙緊籌備一啲計劃，將於明年或後年實行。
藝人黃子華與應屆港姐陳曉華、丁子田及陳靜堯到九龍塘出席活動，鼓勵大家多關心有腦退化症病徵的長者，子華在台上笑言已經退休，不再講笑，說話會比較嚴肅，他表示香港人口老化，愈來愈多老人家有腦退化症徵狀，並以口號「例牌乜嘢凍定熱，唔想唔計唔開心」教大家提防症狀。
「唔好以為老人家扮嘢」
他受訪時表示家族有長者有腦退化症徵兆：「開頭以為佢情緒唔好，令到大家都唔開心，但其實佢哋可能開始計數唔叻，打牌都計唔到番，會好忟憎，我哋唔好以為啲老人家扮嘢，應該關心多啲，同埋係有得檢查！」
「都係演藝事業」
講到近況，他表示正忙於籌備一些計劃，將於明年或後年實行，問到是甚麼類型？他笑言：「都係演藝事業，我走唔出呢行，唔會突然走去做上市公司主席。（聖誕要閉關度嘢？）退咗休嘅好處就係唔使閉關，但都有度嘢。（棟篤笑？）唔再做，𠺘咗口，係棟篤笑以外嘅嘢。（以後唔再講笑？）會做啲高級嘅幽默，都係令大家開心嘅事。（考慮同農夫合作？）睇佢哋考唔考慮我，我唔想拖累佢哋，人哋事業如日方中。」
唔同意買飛實名制
對於政府考慮以實名制打擊黃牛黨，子華表示不同意實名制，因會侵犯私隱權，但同意應立例檢討，因現時對黃牛飛的管制非常寬鬆：「依家係冇任何監管咁滯，但如果你問我點解可以炒樓、炒iphone，唔可以炒飛，我都答唔到，但就應該要檢討。（要重罰？）適當地唔通炒飛要笞刑（鞭打犯人臀部的刑罰）咩？」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|