高達有元祖，𡃁模都有始祖，佢就係活希兒喇。現年36歲嘅活希兒以前撈娛圈時，有過唔少世紀瘀事令人捧腹大笑架。
活希兒1998年出道時，同陳曉東拍過廣告，又同謝霆鋒傳過緋聞，更出過碟做過歌手。當年佢只得15歲十分嫩口，點睇都係前途無可限量，不過之後負面新聞太多，最終更憑世紀膠歌《Hello Kitty成為朋友》成為笑柄，事業告終。
十幾年後活希兒澳洲學成歸來，做事務律師成為上等人，但有次竟然著新娘同款婚紗出席前度婚禮，真係世紀大趣事。
哪個年少不輕狂？活希兒今年終於喺泰國蘇梅舉行婚禮，嫁個董事老公，自己亦係投資銀行高層，上等人一個。以前啲瘀嘢，過眼雲煙不值一提啦。
來源 source: http://nextplus.nextmedia.com
|
鍾意就快D Share啦！
|
|
|
