掃呢頁CODE去手機

2018年12月4日 星期二

湯洛雯:四大護法陪散心 湯洛雯情傷未愈冇厘心機 __,湯洛雯,

湯洛雯近排被緋聞纏身,難怪心情麻麻。無綫小花湯洛雯(靚湯)自去年與羅天宇分手後,心情一直未平復,日前其父湯鎮宗、媽咪及細妹湯樂瑤冚家出動,再叫埋閨蜜岑 ...


湯洛雯近排被緋聞纏身,難怪心情麻麻。


無綫小花湯洛雯(靚湯)自去年與羅天宇分手後,心情一直未平復,日前其父湯鎮宗、媽咪及細妹湯樂瑤冚家出動,再叫埋閨蜜岑杏賢等,化身「四大護法」陪靚湯行街睇戲散心,即使眾人「車輪轉」輪流陪傾偈,她依然冇厘心機頭耷耷!

分手後緋聞纏身

現年31歲的靚湯去年底宣布與拍拖4年的羅天宇分手,近日就被傳搭上姚子羚的有米舊愛「的士邦」鄭子邦,對此她否認戀情,堅稱單身,如此緋聞纏身,難怪要舉家出動陪散心。

黑衫黑褲現身

日前晚上約9時,戴上藍色Cap帽、一身黑衫黑褲的靚湯,與父母及妹妹湯樂瑤現身西九一個商場,同行還有穿上白色外套的好姊妹岑杏賢,一行五人從戲院步出,估計是剛剛睇完戲。

岑杏賢陪傾偈

沿途見岑杏賢孖住靚湯並肩而行密密傾,但靚湯沒甚笑容。一直憂心愛女情傷未愈的父親湯鎮宗,原本行在前方都不時擰轉頭回望愛女,期間岑杏賢一時忙於覆手機短訊,湯母擔心愛女被冷落,隨即接力上前陪靚湯傾偈,奈何她依然心不在焉,全程頭耷耷、冇厘神氣。一行人在商場逛了一會,其後齊齊往停車場取車離開。

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!