王浩信冧莊視帝得個「望」字？
今年視帝有民間視帝張衞健及劇集口碑不錯的馬德鐘惡鬥無綫親生仔王浩信，張衞健重磅回歸無綫拍《大帥哥》，以壓軸姿態殺入台慶頒獎禮，大有「騎劫」今年「視帝」獎項之勢，他受訪說：「好多謝，好感激，呢個問題……好難答。」
對於觀眾支持，他無言感激，惟以「我手寫我心」寫道：「『無冕視帝』同『無綫視帝』，我睇等於魚與熊掌……難以兼得！『民間視帝』四個字，已經夠我甜足一世！我會袋好佢，以後慢慢嗒！正如我希望觀眾睇《大帥哥》時可以慢慢嗒我每一場戲，因為無論係各種原因未能盡善盡美嘅戲，定係型到噴汁嘅背後，我都付出咗以公升計嘅腦汁！當中包括監製嘅汁，編劇嘅汁，導演嘅汁，攝影師嘅汁，演員們嘅汁……我最鍾意感受那股瀰漫於拍攝現場因創作而腦汁四溢的味道！當然我明白創作及表演藝術，唔係話你努力就一定得到觀眾回響。從來冇諗過邊個係我競爭對手，只有諗邊個係我嘅學習對象。感謝我嘅母校TVB畀個機會我再同觀眾……見多一次面！」
馬德鐘等錦上添花
馬德鐘主演的《跳躍生命線》收視口碑俱佳，他受訪時竟表示冇欲望：「多謝觀眾一直支持，如果有幸贏視帝就錦上添花，冇亦知足常樂，人唔可以有太多欲望，隨遇而安！（幾成信心？）一切交由老天爺安排我對數字沒有概念。」更大讚浩信與張衞健：「一位係上屆視帝，另一位係演技相當精湛嘅前輩，兩個我都喜歡，如果佢哋攞獎，我都為佢哋高興。」
至於上屆視帝王浩信今年憑台慶劇《兄弟》再衝擊寶座，身為親生仔的他，面對勁敵也坦言對冧莊只抱觀望心態，反而最「恨」攞最佳劇集獎，認為先要紅劇集，才會紅角色：「我哋拍攝好多時都係飛紙仔，好考演員同連貫性，但出嚟個落差好細，係靠每個演員演好每場戲，所以好值得攞。」
王浩信服裝：Popcorn General Store
來源 source: http://orientaldaily.on.cc
|
鍾意就快D Share啦！
|
|
|
