競爭激烈！
今年視后獎項競爭激烈，早前於新加坡及馬來西亞連奪兩視后的黃智雯大有機會大滿貫三連霸。而陳煒愈戰愈勇，近日除與李佳芯同樣親民拉票擄粉絲，更獲同樣出身亞視的高層李寶安、余詠珊等背後力撐，不容忽視。
入行十年的黃智雯（Mandy）於劇集《三個女人一個「因」》一人分演三個截然不同性格的角色，大放異彩，連贏新加坡及馬來西亞視后，她坦言如中兩次六合彩頭獎般，問有否信心成為三料視后？她說：「唔敢諗太多，不嬲冇咩抽獎運，一晚兩個獎已經超額完成，要中三元難度真係好高！係有信心咗，但都要抱住平常心。」談到其他對手，Mandy認為要成就一個好角色不容易，幾位大熱如陳煒及李佳芯都絕對值得欣賞。
死磨狐狸精
而憑劇集《BB來了》角逐視后的李佳芯坦言：「我個人唔識計劃同爭取，唔識拉票，反而冇得揀又出到啲嘢，呢一年條路就係咁，以前有得揀唔識揀，演狐狸精都唔會推，咪做囉，死磨角色，可能條命係唔可以畀我揀。」她坦言有三分一信心，面對兩位勁敵，她說：「煒哥同智雯都係我喜歡嘅演員，智雯同我都係做實事嘅人，煒哥未合作過，私下見過佢係好好嘅前輩，係好演員。（好難揀？）對自己都要畀Credit！」
向勁敵笠高帽
至於陳煒憑《宮心計2深宮計》「太平公主」爭獎，她坦言演此角乃廿多年演藝生涯中最辛苦一次。談到今屆有李佳芯及Mandy兩位勁敵，她表示有留意佳芯，大讚對方角色寫實，引起很多人共鳴，即使演齡尚短，但演技絕對在水準之上：「我對自己都有信心，希望大家會睇到我嘅努力，其實好多時都要睇有冇遇到好劇本，令到演員可以淋漓盡致發揮，所以有獎項當然錦上添花，因為令事業更上一層樓。」
更多新聞，請瀏覽東方日報網頁：
http://orientaldaily.on.cc/
來源 source: http://hk.on.cc
|
鍾意就快D Share啦！
|
|
|
